کولت. آذ میکاییل مشفق‌ین کولکلر شعرینی تقدیم ائدیر:

هر سحر، هر آخشام، هر آخشام، هر سحر
چوخ زامان سرسری کولکلر بیخبر
بیر یاخین دوست کیمی قاپیمی دؤیرلر،
کولکلر، کولکلر، بستکار کولکلر،
دونیانی دولاشان بختیار کولکلر!

بعضینیز قورخولو، بعضینیز قورخوسوز،
بعضینیز دویغولو، بعضینیز دویغوسوز،
بعضینیز اویقولو، بعضینیز اویقوسوز،
کولکلر، کولکلر، ای سرین کولکلر،
سیزده وار قوخوسو هر یئرین، کولکلر!

ای چیلغین کولکلر، نشعه‌نیز داشارکه‌ن،
باغلارین شهیندن مئی سوروب جوشارکن،
نالقیران داغلاری آتلاییب آشارکن،
منی ده آلینیز، اوچاییم داغلارا،
کؤنلومده نه وارسا، آچاییم داغلارا!

گورلایین، ایلهامیم، صنعتیم گورلاسین!
فیرتینام، قاسیرغام، قودرتیم گورلاسین!
شیمشییم پارلاسین، ظولمتیم گورلاسین!
ای منی سرازاد بسله‌یه‌ن کولکلر،
بیر داغین باشیندان سسله‌یه‌ن کولکلر!