آنا صحیفه کولت |
بو گون آذربایجان موسیقی تاریخینده درین ایز بوراخمیش بستکار آصف زینالینین دوغوم گونودور.
کولت. آذ خبر وئریر کی، ۲۳ ایللیک قیسا حیاتیندا میللی موسیقی صنعتیمیزده سیلینمز ایز قویموش آصف زیناللی ۱۹۰۹-جو ایل آپرلین ۵ ده دربنده آنادان اولوب. بستهکار ۱۹۲۶-جی ایلده باکی موسیقی تکنیکومونو، ۱۹۳۱-جی ایلده ایسه آذربایجان دولت کونسرواتورییاسینین بستهکارلیق شعبهسینده، اوزییر حاجیبیووون صینفینی بیتیریب.
آذربایجانین بؤیوک بستهکارلاری توفیق قولیئو و قارا قارایئوینده اوستادی اولموش زیناللی میللی رومانس، پیانو و سیمفونیک موسیقینین بانیسیدیر. اونون «اؤلکم»، «سرحدچی»، «چادرا»، «سوال»، «سیران» رومانسلاری میللی ووکال موسیقیمیزین اینجیلریدیر. پیانو اوچون «اوشاق سویتاسی» سیلسیلهسی، «چاهارگاه» پیئسی، ویولینو و پیانو اوچون «مغامسایاغی»، ۲ فوقا، سیمفونیک اورکستر اوچون «فرا'منتلر»، تئاتر تاماشالارینا موسیقی، خالق ماهنیلاری ایشلهمهلرینین مؤلفیدیر.
آذربایجان موسیقیسی اوچون بیر چوخ عوضسیز خیدمتلر گؤسترمیش آصف زیناللی، آذربایجان موسیقی فولکلورونون توپلانیب نوتا کؤچورولمهسی و ایشلهنمهسی، «ابتدایی نوت سوادی» آدلی درسلیین ترتیب ائدیلمهسی، "اوشاق سویتاسی" اثری ایله ایلک دفعه آذربایجان موسیقی تاریخینده اوشاق موسیقیسی رپرتوارینین اساسینی قویولماسی، ۷۰-ا یاخین آذربایجان خالق ماهنیلارینی نوتا آلینماسی کیمی عوضسیز خیدمتلری ایله یاددا قالیب.
آذربایجان موسیقی فولکلورو نمونهلرینین توپلانماسی اوچون قاراباغا سفر ائدن گنج بستهکار اورادا آغیر خستهلیک اولان قارین یاتالاغینا توتولور.
معالیجه آلماق اوچون باکییا قاییدان بستهکار ۲۷ اوکتیابر ۱۹۳۲-جی ایلده یارادیجیلیغینین انکشاف ائتدیی بیر دورده آغیر خستهلیکدن وفات ائدیر. او، سون سیمفونییاسینی خستهخانادا اولارکن اوتاغینین دیوارینا یازیر و قارداشیندان اثرینین کاغذا کؤچورولمهسینی خواهیش ائدیر. لاکین اونون بو وصیتی چوخ تصوف کی، یئرینه یئتیریلمیر.
بو گون زینالینین آدینی ابدیلشدیرمک اوچون باکی موسیقی کالجینه و پایتخت کوچهلریندن بیرینه بستهکارین آدی وئریلیب.
تاریخ
2024.04.05 / 12:17
|
مولف
الشاد یعقوبلو
|