آنا صحیفه کولت |
"دونیا گاز لازرینین آتاسی» حساب اولونان بو آذربایجانلی داهی عالیم ۱۹۶۴-جو ایلده نوبئلین بیر آددیملیغیندا اولسا دا، اونو آلا بیلمهییب.
دونیانین ۱۲-جی داهیسی حساب ائدیلهن اصلهن آذربایجانلی عالیم حاقیندا Axar.az یازی تقدیم ائدیر.
"گاز لازرینین آتاسی» علی جوان ۱۹۲۶-جی ایل دکابرین ۲۷-ده تبریزده آنادان اولوب. علی جوان دونیایا گلندن بیر قدر اول اونون والیدینلری تبریزدن تهرانا کؤچورلر. علی جوان ۱۹۴۸-جی ایلده تهران اونیورسیتتینی بیتیردیکدن سونرا آبش-آ کؤچهرک کولومبییا اونیورسیتتینده تحصیلینی داوام ائتدیریر. ۱۹۵۸-جی ایلده اونو مشهور "بل-تلفن» شیرکتینده لابوراتوریایا رهبرلیک ائتمک اوچون دعوت ائدیرلر. بورادا او، گاز لازرینین یارادیلماسی ایمکانینی نظری جهتدن اساسلاندیریر و اؤز ایدئیاسینی حیاتا کئچیرمهیه باشلاییر.
"معایرلیین ۱۰۰ داهیسی» سیاهیسیندا ۱۲-جی حساب ائدیلهن علی جوان بو گون پئیک رابطهسیندن توتموش طبابت دک هر بیر ساحهده تطبیق اولونان گاز لازرینین یارادیجیسیدیر. رابطه، ماتئریاللارین اعمالی، اینفورماسییانین اؤتورولمهسی و ساخلانیلماسی، طب و دیگر ساحهلرده ایستیفاده ائدیلهن هر بیر تکنیکی قورغو عالیمین کوانت الکترونیکاسی ساحهسیندهکی کشفی اساسیندا ایشلییر. علی جوانی "شرقین اینشتئینی»، "لازرین آتاسی» آدلاندیریرلار. او، دونیا علمینه وئردیی تؤهفهلرینه گؤره "آلبرت اینستئین World مئدال اوف ساینس» بین الخالق موکافاتینا لاییق گؤرولوب.
علی جوان اوزون مدت غرب عالیملرینین کشف ائتمک ایستدیی بیر ایختیرایا ایمضا آتیب. غرب عالیملری گاز لازرینی حربی مقصدله ایستیفاده ائتمهیه جهد گؤستررکهن علی جوان صرف علم نامینه و لازر گازینین تیبده، پئیک رابطهلرینده ائلجه ده ایستهنیلهن حیاتی ساحهده تطبیقینه نایل اولور. ائله بو سببدن ده عالیم دونیانین یاشایان ۱۰۰ داهیسی آراسیندا ۱۲-جی پیللهیه صاحبلنیر. قئید ائدک کی، همین سیاهیدا ایسوئچرهلی کیمیاچی آلبئرت هوفمان بیرینجی، اینگیلیس کومپوتئر موههندیسی، اینتئرنئتین بانیسی بئرنئر لی ایکینجی، "اینقیلابلار آتاسی» جورج سوروس ایسه اوچونجو یئری توتور. بئشینجی پیللهده قرارلاشان نئلسون ماندئلانین اؤلوموندن سونرا علی جوان آوتوماتیک اولاراق بیر پیلله ده ایرلیلمیش اولور.
تأسف کی، علی جوان دا بیر نئچه ایل بوندان اول دونیاسینی دییشیب
نوبئل آلا بیلمهسه ده، علی جوان عالیم نفوذونا گؤره بیر چوخ نوبئلچیلری قاباقلاییر. او، لازر و کوانت الکترونیکاسی، لازر تلویزییا و رادیو رابطه ساحهسینده چوخسایلی تدقیقاتلارین دا مؤلفیدیر. "ده دیلی تلگرا» نشرینین معلوماتینا گؤره علی جوان اوزون ایللردیر کی، داهیلرین ایگیرمیلیینده قالیر. اما ائله نوبئل موکافاتی آلان وار کی، هئچ او سیاحینین یوزلویونه ده دوشه بیلمهییب. علم عالمینین ان سانباللی موکافاتی ساییلان آلبرت اینشتئین موکافاتینا صاحبلنهن عالیمین اؤزو ائله . چوخ واخت "شرقین ائینشتئینی» آدلانیر. دونیا علمینده قاز لازئرینین آتاسی ساییلان عالیمین اؤز آتاسی ایسه تبریزدندیر، محض تبریزدن... یعنی، بیزلردن بیریدیر... تبریزله بیزی بیرلشدیرهن عینی قانین – آذربایجانلی قانینین داشیییجیسی، هم ده ساغلیغیندا دونیانین ۱۲-جی داهیسی اولوب.
تاریخ
2019.02.13 / 18:31
|
مولف
آینوره مممدووا
|