تورکییه‌نین تانینمیش آکتیورو انگین چاغلار استانبول‌دا یول قضاسیندا هلاک اولوب.

Kult.az خبر وئریر کی، دونن شیشلی‌ده یولو کئچرکن ۸۵ یاشلی آکتیورو موتوسیکلت ووروب.

انگین چاغلار خسته‌خانایا یئرله‌شدیریلیب. حکیملرین سعیینه باخمایاراق، آکتیورون حیاتینی خلاص ائتمک ممکن اولماییب.

قید ائدک کی، انگین چاغلار تورک کینوسونون قیزیل دؤورو ساییلان "یئشیل‌چام"ین اونودولماز آکتیورلاریندان اولوب. او، "کادین دگیل باش بلاسی"، "کینالی یاپینجاک"، "فریدئ"، "ماکبر" کیمی بیر چوخ مشهور فیلم‌ده رول آلیب.

آکتیور تورکان شورای، هولیا کوچ‌ییگیت و فاطما گیریک کیمی افسانه‌وی "یئشیل‌چام" اولدوزلاری ایله بیر چوخ فیلم‌ده طرف مقابیلی اولوب. او، ۱۹۶۰-۱۹۷۰-جی ایللرده تورک کینوسونون ان پوپولیار کیشی آکتیورلاریندان بیری کیمی شهرت قازانیب.