فرانسیز ادبیاتینین کلاسسیکی اونوری دبالزاکین یارادیجیلیغی دایم قادین و کیشی موناسیبتلرینی مؤوضوعسو اطرافین‌دا جرایان ائدیب. یازیچینین بیوگرافییاسینا اساساً دئیه بیلریک کی، او، بیر قایدا اولاراق اؤزوندن یاشجا بؤیوک خانیملارا آشیق اولوب. ۳۰-۴۰ یاش آراسی گؤزل و موستقیل قادینلار بالزاکین اصل احتیراسی ایدی. تصادفی دئییل کی، بو یاش دؤورونه «بالزاک یاشی» دئییرلر.

"بالزاک یاشی"قادینلارین ۳۰-۴۰ آراسی یاش دؤورو نظرده توتولور. بو ترمین اونورو دبالزاکین (۱۷۹۹-۱۸۵۰) «اوتوز یاش‌لی قادین» (۱۸۳۲) رومانین‌دان سونرا میدانا گلیب. اثرین باش قهرمانی ۳۰ یاشلی ویکونتسا دبوسان اؤز دوشونجه‌سی، آزادلیغی، زؤوقو ایله فرقله‌نیردی. اثر چاپدان چیخدیقدان سونرا تئزلیکله، ۳۰-۴۰ یاش آراسی قادینلارا ایرونییا ایله "بالزاک قهرمانی"، "بالزاک قادینی" کیمی ایفاده‌لرله مراجعت ائدیردیلر. سونرادان ایسه "بالزاک یاشی" ترمینی گئنیش ایستیفاده ائدیلمه‌یه باشلاییر.

Axar.az بو یازی‌دا اوخوجولاری بالزاکین قادینلارین اونوانینا دئدیی قیمتلی سیتاتلاری ایله تانیش ائدیب. بو فیکیرلر هم خانیملار، هم ده بیلر اوچون عینی درجه‌ده ماراق‌لی و فایدالی اولا بیلر. اودور کی، کلاسسیکین قادین پسیخولوگییاسینی یاخین‌دان تانیماغا کؤمک ائد‌ن فیکیرلرینی اوخوماغا دیر. آخی داهی شخصیتلرین فیکیرلری بئیین و روح اوچون معنوی قیدادیر.

۱. اؤز آروادینی معشوقه‌سی ائده بیلمه‌مه‌سی گؤستریر کی، ساده‌جه کیشی اقتدارسیزدیر. بوتون قادینلاری تک بیر قادین‌دا تاپماغی باجارماق لازیم‌دیر.

۲. قادین بیر یئریشی ایله هئچ نه گؤرمه‌یه ایمکان وئرمه‌دن اؤزو حاقین‌دا هر شئیی دئیه بیلر.

۳. اؤز ارینه گوله‌ن قادین اونو بوندان آرتیق سئوه بیلمز.

۴. قادین سئودیی کیشینین اوزونو عینی ایله دنیزچینین آچیق سمانی تانیدیغی کیمی یاخشی تانیییر.

۵. کراللار دا، قادینلار دا اونلار اوچون ائدیلن هر بیر ایشین اؤدنیلمه‌سی لازیم اولان بورج اولدوغونا اینانیر.

۶. اوندان هئچ نه گیزلدیلمدیینه ایناندیریلمیش بیر قادینی آلداتماق‌دان داها آسان هئچ نه یوخدور.

۷. دونیادا بیر قادین اوچون کیشینی اؤز تأثیری آلتینا سالا بیلمک قدر زؤوقلو هئچ نه یوخدور.

۸. بیر قادین سئودیی کیشینین باشقا قادینلا خوشبخت اولدوغونو گؤرمکدنسه، اونون جان وئرمه‌سینی گؤرمیی سئچر.

۹. قادینلاردان نئجه کیشی آختاردیقلارینی سوروشسانیز، «ادعالی و گوجلو» دئیرلر. دیگرلرینه نیسبتا گوجلو کیشیلر داها ائنلی کورک، اورکلری ایسه داها ایستی‌دیر، قانلارین‌دا داها چوخ دمیر وار. قادین گوجلو کیشینین قوللاریندا اؤزونو او قدر گؤزل و خوشبخت ظن ائدر کی، پارچالانماق تهلوکه‌سی آلتیندا قالسا دا، اوستون قوه‌سی اولانی بوتون کیشیلردن اوستون توتار.

۱۰. سئویلن قادین دونیانین ان گؤزل قادینی دئییلمی؟

۱۱. آنا اوریی همیشه باغیشلاماغی باجاران بیر اوچورومدور.

۱۲. قیسقانج ار اصلین‌ده حیات یولداشیندان یوخ، اؤزوندن شوبهه ائدیر.

۱۳. هئچ کیم قادینی گنج و یا کامیل، گؤزل و یا چیرکین، عقل‌لی و یا آخماق اولدوغو اوچون سئومیر. اونو هئچ بیر سبب‌سیز سئویرلر، ساده‌جه سئودیکلری اوچون سئویرلر.

۱۴. قادینی ایداره ائده بیلن کیشی حاکمیتی ده ایداره ائده بیلر.

۱۵. قادینین آنجاق سونونجو محبتی کیشینین ایلک سئوگیسی ایله موقایی‌سه ائدیله بیلر.

۱۶. قادین اونو پروبلملردن خلاص ائد‌ن کیشییه عایید اولمالیدیر.

۱۷. قادین باشقاسینا عایید اولان کیشی اوزرینده غلبه قازانماغی سئویر.

۱۸. قادینین معشوقه‌سی اولا بیله‌ن هئچ بیر کیشی اونون دوستو اولمور.

۱۹. کیشینین همیشه عینی قادینلا خوشبخت اولا بیلمجیینی دوشونمک آبسورددور. بو ادعا اونا بنزییر کی، یاخشی موسیقی‌چییه پیئس ایفا ائتمک اوچون بیر نئچه سکریپکا لازیم‌دیر.

۲۰. حتی ان درین اعترافلاریندا قادین اوچون همیشه سوکونته یئر قالیر.