جاری ایلین ایولون ۶-سی آذربایجان دئموکرات فیرقه‌سی مرکزی کومیته‌سینین (آدف مک) پلئنومو کئچیریلیب.

آزنیوس. تو معلومات وئریر کی، تدبیرده آدف مک-نین بیاناتی موذاکیره ائدیله‌رک قبول اولونوب.

بیانات‌دا گؤستریلیب کی، ۳ سئنتیابر ۱۹۴۵-جی ایلده تبریزده یارادیلان، ۱ آی سونرا همین شهرده بیرینجی کونقرئ‌سینی کئچیره‌ن آذربایجان دئموکرات فیرقه‌سینین اؤز تاریخی، موستقیل و قوشقوسوز آدینی، همچینین ایلکین مرامنامه و نیزامنامه‌سینی برپا ائتمه‌سی ۶۹ ایلده‌ن سونرا آتیلان زروری و عدالت‌لی آددیم‌دیر.

همین سندده قئید اولونوب کی، ۱-۲ آوقوست ۱۹۶۰-جی ایلده «وحدت کونفران‌سی»ندا آدف-نین ایران خالق پارتییاسینا آذربایجان تشکیلاتی ایستاتوسو ایله موسکوانین طلبی و تضییقی ایله بیرلشدیریلمه‌سی بؤیوک تاریخی یانلیش‌لیق ایدی.

بونا گؤره ده پلئنوم آدف-نین آدی اؤنون‌دن «ایران خالق پارییاسینین آذربایجان تشکیلاتی» سؤزلرینین گؤتورولمه‌سینی، بون‌دان سونراکی فعالیتینی آذربایجان دئموکرات فیرقه‌سی کیمی داوام ائتدیرمه‌سینی دؤورون طلبی، هم ده گئجیکمیش قرار کیمی دیرلندیریب.

تشکیلات ایلیکین مرامنامه و نیزامنامه‌سینین طلبلرینه اویغون اولاراق فعالیتینی آذربایجان دئموکرات فیرقه‌سی کیمی داوام ائتدیره‌جک‌دیر.
پلئنوم‌دا تشکیلاتی مسله‌لره ده باخیلیب. والئه قولوزاده خسته‌لیگی ایله الاقدار وظیفه‌سینی ایجرا ائده بیلمدیی اوچون آدف-نین سدریلیین‌دن آزاد اولونوب.

مرکزی کومیته‌نین عضولری V. قولوزادنین اوزون ایللر قوسورسوز، سداقت‌لی، موستسنا خیدمتلرینی نظره آلاراق اونو آذربایجان دئموکرات فیرقه‌سینین فخری صدری سئچمک باره‌ده تکلیفی یئکدیل‌لیکله بینیبلر.

یارانمیش شرایطله الاقدار فیرقه‌نین بوروسونون، مرکزی کومیته‌سینین، ایجرا اورقانلارینین بوراخیلماسی باره‌ده قرارلار قبول اولونوب.

دیگر قراردا بو ایلین پاییزین‌دا آذربایجان دئموکرات فیرقه‌سینین ۲-جی کونقرئ‌سینین چاغریلماسی، اورادا پارتییانین یئنی رهبر ایستروکتورلارینین فورمالاشدیریلماسی رازیلاشدیریلیب.

کونقرئ‌سه حاضرلیق مقصدی ایله یارادیلاجاق تشکیلات کومیته‌سینه رهبرلیک آدف-نین صدری وظیفه‌سینی ایجرا ائد‌ن رحیم حسین‌زاده‌یه حواله اولونوب.