اینانیلماسی چتین اولسا دا، اما بودجه‌لی توریستلری اؤزونه چکه‌ن، اونلاری «هر شئی داخیل» سیستمی ایله جلب ائد‌ن تورکییه‌ده ده ساکیت، خلوتی و آردی-آراسی کسیلمه‌یه‌ن توریستلرین آخینینا اوغرامایان یئرلر مؤوجوددور.

آخار. آذ شلوغلوغو سئومه‌یه‌ن توریستلرین خوشونا گله‌جک تورکییه کورورتلاریندان بحث ائد‌ن یازی تقدیم ائدیر.

بو جور حیرتامیز مکانلاردان بیری فتحییه‌نین اطرافین‌دا یئرلشن چالیش قصبه‌سی‌دیر. بورادا دئمک اولار کی، ائله بیر اینفراستروکتور یوخدور: ساحیل‌بویو تیکیلمیش کیچیک هتللر و آوروپا و شرق مطبخلرینین نمونه‌لرینین تقدیم ائدیلدیی بیر ایکی بالاجا رستوران. اما سربست، تمیز و چوخ گؤزل چیمرلیکلر (دوغرودور، رزین آیاق‌قابی ایله اوزمک مصلحت گؤرولور، چونکی دنیزین دیبی داش‌لیدیر) استراحت اوچون چوخ اعلادیر. شهر ایله‌نجه‌لرین‌ده ایشتیراک ائتمک اوچون ایسه پیادا فتحییه‌یه گئتمک مومکون‌دور.

ان یاخشی استراحت مکانلارین‌دان نؤوبتی‌سی ایسه اعجازکار داغ-دنیز منظره‌سی اولان اؤلوده‌نیزدیر. بوراداکی مرکزی لاقونا ساحلین‌ده سس-کوی‌لو اولا بیلر (اینسانلار ایدمانلا مشغول اولور و اوشاقلارلا استراحت ائدیرلر)، اما اطراف‌داکی کیدراک چیمرلیین‌ده و نهایت‌سیز قوملوقلاری اولان اوزاق‌داکی پاتارا-بیچ‌ده چوخ ساکیت و راحت شرایط وار.

دنیزین کنارین‌دا، قوملوق‌دا اوزانیب دینجلمکله یاناشی ائکسکورسییالارا گئتمک ایسته‌یه‌نلر اوچون اولیمپوسا یوللانماق مصلحت گؤرولور. زنگین تاریخی اولان بو قدیم شهر گونوموزده میللی پارک ایستاتوسو آلیب و بو سبب‌دن بورادا توریزمی اینکیشاف ائتدیرمک قاداغان ائدیلیب. بورادا هتللرین یئرینه کولوریت‌لی پانسیوناتلار، حتی آغاجلاردا تیکیلمیش بونقالو و تاختادان ائولر مؤوجوددور. چینقیل‌لی، تمیز و دنیز تیسباغالارینین بول اولدوغو چیمرلیک، هابئله لیکییا سردابالاری، آکروپول و یانارتاش داغینین اتیی بو یئرلره خصوصی گؤزل‌لیک بخش ائدیر.

فوسونکار تورک چیمرلیکلری اینسان آخینینا اوغرایان توریزم مکانلارین‌دا اوزاق‌لیق‌دا «گیزلنیر»: آنتالیادان ۴۰ کیلومئتر مسافه‌ده یئرلشه‌ن کاپوتاش ایسه قایالارین احاطه‌سین‌ده‌کی منزره‌لی بوختادیر، آکگؤل گؤلونون یاخینلیغین‌دا اولان ائینیادلی قوروق دا گؤزل استراحت مکانی‌دیر. دالیان رایونون‌دا اولان ایزتوزو تیسباغا یووالاری و آغ-قیزی‌لی قوملوقلاری، مارماری‌سین ۸۰ کیلومئترلیین‌ده یئرلشه‌ن کنیدوس ایسه تمیز سویو و دایوینق اوچون الوئریش‌لی شرایطی ایله سئچیلیر.