آرخئولوقلار تورکییه‌ده گورجو خاتونون قبرینی تاپیبلار.

کولت. آذ خبر وئریر کی، بو معلوماتی گورجوستانین تورکییه‌ده‌کی سفیرلیگی یاییب. معلوماتا گؤره، قبیر ارزورومون پاسینلئر رایونو یاخینلیغین‌دا آشکارلانیب. سفیرلیک مسئوه نین دئتاللی آراشدیریلماسییلا مشغول اولدوغونو بیلدیریب.

قئید ائدک کی، گورجو خاتون گورجو چارلیغینین باقراتیونلار سولاله‌سین‌دن اولان رهبرلری روسودانین قیزی و تامارانین نوه‌سی‌دیر. اصل آدی تامارا گورجو خاتونا سونراکی آدی آنادولو سلجوق‌لو دؤولتین‌ده وئریلیب. بئله کی، او، آنادولو سلجوق‌لو حؤکمداری ۲-جی قیاس الدین کئیخوسروولا ائولنیب. بو ائولی‌لیک‌دن آنادولو سلجوقلو دؤولتینین سونراکی حؤکمداری ۱-جی علاءالدین کئیقوباد دونیایا گلیب. کئیخوسرووون اؤلومون‌دن سونرا مونقوللاردان خلاص اولماق اوچون ارمنیلره سیغینا گورجو خاتون و کئیخوسرووون آناسی هونات خاتون ساتقینلیغا معروض قالاراق مونقوللارا تحویل وئریلمیش، بونون آردینجا ایسه او مجبوری شکیل‌ده آنادولو سلجوقلولارینین وزیری پروانه معین الدینله ائولندیریلمیشدی. بو ائولیلیک‌دن سونرا گورجو خاتون دینی دییشه‌رک اسلامی قبول ائتمیشدی.

گورجو خاتون تاریخ‌ده همچینین مؤولانا جلال الدین رومینین حامیسی کیمی ده تانینمیشدی.