کولت. آذ ایلقار فهمینین "بو گئجه" آدلی شعیرینی تقدیم ائدیر:

گئدیرم، گؤزلریمی باغلا منیمچون بو گئجه
یوخدو بیر آغلایانیم، آغلا منیمچون بو گئجه.

سویوغام، اؤپمه اوزومدن دوداغین خسته‌لنر،
گل دییش یورغانی تورپاقلا منیمچون بو گئجه.

اجل آلمیش منی آغوشونا، یوخ فرقی داها،
قوجا دونیانین اویون‌جاقلا منیمچون بو گئجه.

غمی تکلیکده یئدین هر گئجه من‌دن گیزلین،
دویموسان‌سا، آزاجیق ساخلا منیمچون بو گئجه.

آغلاییب یولما ساچین، یوخ، ائلجه یاس ساخلا
سس-سمیرسیز دلی اولماقلا منیمچون بو گئجه.

فهمینین عمرو بیتیر، بیر ده اوزات اللرینی
سون دفعه گؤزلریمی باغلا منیمچون بو گئجه.