آنا صحیفه کولت |
ایستکلی یئمک و یئمکبیشیرمه هوسکارلاری، عمومتورک مطبخینین وازکئچیلمز خؤرکلریندن بیری پلوودور. سولو یئمکلر و یا قیزارتمالارین یانیندا تئز-تئز راست گله بیلرسینیز اونا.
آخار. آذ خبر وئریر کی، دویو، یارما (بولقور) و یا ماکارون-ورمیشئل نؤولریله بیشیریلهن، ادویات، ات، پاخلا و یا تروزلی یاوانلیغی اولان پلوو عثمانلی مطبخینین شاه یئمکلریندن بیری اولوب. بئله کی، عثمانلی ساراییندا یالنیز پلوو بیشیرن و "پلووچو" آدلانان آشپاز اولوردو. بو آشپازلار پلووو نؤعلرینه آییرماق اوچون فرقلی دویو و یارمادان ایستیفاده ائدیردیلر. ۱۶-جی عصرده عثمانلی ساراییندا ات، کلم، میوه، ساریمساق، کیشمیش و بیبر قاریشیق پلوو بیشیریلیب، سایا پلوولارین ایسه اوزرینه لبلبی و قوورولموش قورو میوهلر تؤکولوب. بو گون بیز سیزه «تورکییه مطبخی» سیلسیلهسیندن بادیمجانلی پلوو (پاتلیجانلی پیلاو) تقدیم ائدیریک.
بادیمجانلی پلووو بیشیرمک اوچون تورکییهده «بالدو پیرینچ» آدلانان دویودن ایستیفاده اولونور. میلاددان اول ۴۰۰-جو ایللرده آسییادا ایستحصال ائدیلهن بو دویو بؤیوک ایسگندرین عسگرلری طرفیندن غربی آسییا و یونانیستانا آپاریلیب، بورادان ایسه بوتون دونیایا یاییلیب. بو، ائله آذربایجانلیلارین اساساً ایستیفاده ائتدیی دویو نؤوودور.
۱ ایستکان یاریم (بالدو) دویو،
۲-۳ عدد بادیمجان،
۲ عدد سوغان،
۱ عدد پومیدور،
۱ ایستکان زیتون یاغی،
۲ ایستکان سو،
۲ چای قاشیغی دوز،
۱ چای قاشیغی قارا بیبر،
۲ چای قاشیغی شکر توزو،
۱ چای قاشیغی زردچال (یئنیباهار - پیمنتا راکموسا)
۱ چای قاشیغی نعنا،
۱ چای قاشیغی دارچین.
سیرا گلدی بادیمجانلی پلووو بیشیرمهیه. دویونو بیر قابا تؤکون، اوزرینی اؤرتهجک قدر ایستی سو و دوز علاوه ائدیب ۳۰ دقیقه ساخلایین. سونرا سویوق سودا بیر نئچه دفعه یویون و سوزون.
بو آرادا بادیمجانلاری ساپیندان آشاغییا دوغرو خطلی اولاراق سویون و کیچیک کوپلر حالیندا دوغرایین. قیزاردارکن یاغ چکمهسین دئیه یاریم ساعت دوزلو سودا ساخلایین. سودان چیخاردیقدان سونرا یاخشیجا یویوب قورولایین، ایستکانین ۳-ده ۲-سی قدر زیتون یاغیندا قیزاردین. قالان ۱/۳-ده بیر زیتون یاغینی ایسه بیر قازانا تؤکون، ایستیلشسین، سونرا دوغرانمیش سوغانی علاوه ائدیب یومشالانا قدر قووورون. دوغرانمیش پومیدورو پؤرتموش سوغانین اوزرینه تؤکوب قووورماغا داوام ائدین. ۲ ایستکان سو، دوز، شکر توزو، قارا بیبر، زردچال، نعنا و دارچینی علاوه ائدین. سو قاینایینجا دویونو علاوه ائدین، بیر دفعه قاریشدیرین. اوزرینه بادیمجانلاری دوزون، قازانین قاپاغینی باغلاییب اول چوخ، سو قاینادیقدان سونرا ایسه کیچیک اود اوزرینده دویو سویو چکهنه قدر بیشیرین. قازانی کنارا قویاندان سونرا قاپاغی باغلی شکیلده ۱۵-۲۰ دقیقه دینلهندیرین. داها سونرا تاختا قاشیقلا پلووو خیرمانلاییب ایلیق شکیلده ماسایا گتیرین و یئیین. نوش اولسون.
تاریخ
2020.05.12 / 22:19
|
مولف
Axar.az
|