آنا صحیفه کولت |
باکی ماریونئت تئاتری بین الخالق فستیوالدا صحنه آلاجاق "ایچریشهر" دؤولت تاریخ-معمارلیق قوروغو ایدارهسی داها بیر اوغورا ایمضا آتیب.
ایدارهنین ایستروکتورونا عایید اولان باکی ماریونئت تئاتری شارلئویل-مئزیئر شهرینده بین الخالق ماریونئت فئستیوالیندا «لیلی و مجنون» تاماشاسی ایله چیخیش ائدجک.
قید ائدک کی، ماریونئت تئاتری آذربایجانی بین الخالق فئستیوالدا تمثیل ائتمک حقوقو قازانان ایلک تئاتردیر.
۲۱-۲۲ سنتیابردا باش توتاجاق فئستیوالدا ایشتیراکین اساس مقصدی اؤلکهمیزین زنگین مدنی ارثینی گلهجک نسیللره اؤتورمک، میللی دیرلره باغلیلیغینی آشیلاماقدیر.
آذربایجان رسپوبلیکاسینین بیرینجی ویتسئ-پرئزیدئنتی مهریبان خانیم علیئوانین خصوصی دستیی ایله ماریونئت تئاتری ۲۰۱۳-جو ایلدهن اعتباراً "ایچریشهر" دؤولت تاریخ-معمارلیق قوروغو ایدارهسینین نزدینده فعالیت گؤستریر. اساسی رژیسور و رسام ترلان قورچو طرفیندن ۱۹۸۰-جی ایللرده قویولان تئاتر بوتون یاش قروپلارینین ماراق دایرهسینی احاطه ائدیر و اؤز فعالیتینده آذربایجان خالقینین زنگین چوخشاخهلی مدهنی ارثینین معمارلیق، میللی گئییم، موسیقی و رقص، دیلیمیزین روان اوسلوبو، خالقیمیزین حیات طرزی، میللی بایراملار کیمی اؤزونمخصوص جیزگیلرینی احتیوا ائدیر.
تئاترین رئپئرتواری بوتونلوکله آذربایجان کلاسیک موسیقیسینین بانیسی، دراماتورق، فولکلورچو و معاریفچی اوزییر حاجیبیووا اتحاف ائدیلیر. "آرشین مال آلان"، "لیلی و مجنون" تاماشالاری تاماشاجیلارا ماریونئت اوصلوبوندا تقدیم اولونور. اؤز فعالیتینی آذربایجانین حدودلاریندان کناردا دا نوماییش ائتدیرمک ایستییله تئاترین فرانسا رسپوبلیکاسینین شارلئویل-مئزیئر شهرینده کئچیریلهجک بئینلخالق ماریونئت فئستیوالیندا ایشتیراک اوچون مراجعتی ماراقلا قارشیلانیب.
ماریونئت تئاتری بین الخالق ماریونئت فئستیوالیندا ایشتیراک ائتمکله یاناشی زنگین و رنگارنگ آذربایجان مدنیتینی فرانسا و دونیا خالقلارینا تانیداجاق.
تاریخ
2019.09.17 / 19:47
|
مولف
Axar.az
|