Axar.az
یوخاری
14 نویابر 2019


تورکییه مطبخین‌دن ایسلیم کابابینین رسئپتی

آنا صحیفه کولت
12 Punto 14 Punto 16 Punto 18 Punto

عموم تورک مدنیتینده کبابین خصوصی یئری وار. ائله اونا گؤره تورکییه مطبخی دئدیک‌ده ده آدامین فیکرینه او ساعت کباب گلیر.

آخار. آذ-این تقدیم ائده جه یی ایسلیم کبابی بو نؤو بیر یئمک‌دیر. ایسلیم کبابی، یعنی بادیمجانا بوکولموش ات یئمه یی تورکییه‌نین قاسترونومییا پایتاختی کیمی تانینان قازیانتئپ شهرینه عایید بیر خؤرک‌دیر. بادیمجانلا اتین بیرلییندن یارانان ایسلیم کبابی نئجه حاضرلانیر، ایندی اونون تعریفینی وئرمه‌یه باشلایاق.

ایسلیم کبابی اوچون اولجه لازیم اولان ماتریاللاری سایاق:

۴ عدد بادیمجان،
۱ ایستکان ارینمیش یاغ،
۴ عدد خیردا پومیدور،
۲ عدد یاشیل ایستیوت،
۵۰۰ گرام چکیلمیش ات،
۱ عدد سوغان،
۴ یئمک قاشیغی اون حالیندا چؤرک قیرینتیلاری (قارئتا اونو)،
۲ دیش ساریمساق،
۱ عدد یومورتا،
یاریم (½) چای قاشیغی دوز،
یاریم چای قاشیغی قیرمیزی آجی بیبر،
یاریم چای قاشیغی زیره،
یاریم چای قاشیغی ایستیوت.
ایسلیم کبابینین سووسو اوچون:

۲ یئمک قاشیغی دورو (مایئ) یاغ،
۲ عدد پومیدور،
۱ دیش ساریمساق،
یاریم ایستکان قاینار سو،
چای قاشیغینین ۴-ده ۱- قدر (¼) دوز،
یاریم چای قاشیغی ایستیوت.
ایلک ایش اولاراق قابیغینی زولاقلار حالیندا سویدوغونوز بادیمجانلاری ایتی بیچاقلا اوزونونا ۴ پارچا اولاراق کسیب دیلیملره بؤلون. آجی‌سینین چیخماسی اوچون یاریم ساعتا قدر دوزلو سودا ساخلایین.

بو آرادا چکیلمیش اتی درین بیر قابا تؤکون. رندلنمیش (و یا چکیلمیش) سوغان، یومورتا، اون حالیندا اولان چؤرک قیرینتیلاری، ساریمساغین ازمه‌سی، یاریم چای قاشیغی دوز، قیرمیزی بیبر، زیره و ایستیوتو علاوه ائدیب هامیسینی بیرلیک‌ده یاخشیجا قاریشدیرین، ۱۰-۱۵ دقیقه یوغورون.

یوغوردوغونوز قاریشیقدان بیر آز گؤتوروب اووزونوزدا یووارلایاراق ۸ عدد توپ دوزلدین. بو توپلاری ۲ قاشیق دورو یاغ تؤکدویونوز تاوادا چئویریب بیشیرین.

بو آرادا، دوزلو سودا دینجه‌له‌ن بادیمجانلارین سویونو سوزوب اونلاری بول سودا یاخالایین. اوستونو کاغیذ دسمال و یا دسماللا سیلین. تاوایا ایستکانین ۳-ده ۲-سی (۲/۳) قدر دورو یاغ تؤکوب ایسیدین. بادیمجانلاری بو یاغ‌دا رنگی دییشه‌نه قدر قیزاردین. آرتیق یاغینی یئنه کاغیذ دسمالین کمکیله آلین.

ایندی ایسه ساپلاق حیسه‌لرینی کسدیینیز یاشیل بیبرلری ۴، خیردا پومیدورلاری ایسه ۲-یه بؤلون. ایکی ادد قیزارمیش بادیمجان زولاغینی اوستگل شکلینده بوشقابا یئرلشدیرین. اورتا حیسه‌سینه بیر عدد قیزارمیش قیمه توپونو قویوب باغلایین. اوزرینه بیر پارچا یاشیل بیبر و پومیدورلاری دا یئرلشدیریب چؤپله بیر-بیرینه سیخین. بوتون قیمه توپلارینا عینی عملیاتی یئرینه یئتیرین و هامیسینی الکتریکلی سوبا بوشقابینا یئرلشدیرین.

دیگر طرف‌ده ۲ یئمک قاشیغی دورو یاغی کیچیک بیر قابدا ایسیدین. رندلنمیش پومیدور، ازیلمیش ساریمساق، دوز و ایستیوتو علاوه ائدین. هامیسینی بیرلیک‌ده ۴-۵ دقیقه قدر بیشیرین و قازین اوزریندن گؤتورون. حاضیرلادیغینیز بو سووسو سوبا قابینداکی بادیمجانلارین اوستونه تؤکون. یئمه یینیزی اولدن ایسیدیلمیش ۱۸۰ درجه سوبادا ۳۰ دقیقه بیشیرین، سونرا ائله ایستی-ایستی سوفره‌یه گتیرین، یئیین.

تاریخ
2019.10.21 / 20:06
مولف
Axar.az
شرح لر
دیگر خبرلر

«کؤمور» فیل‌می اورمییادا بؤیوک رغبتله قارشیلاندی– ویدئو

مئس‌سی و مادورونون سئویم‌لی تورک سئریاللاری...

تبریزده علی پولادین قلمه آلدیغی ساتیریک اثرین تقدیماتی کئچیریلدی

میرزه جلیل نسلینین داوامچیلاری باکییا گلیر - ایلک دفعه

آستارالی آشیق ایران‌دا کئچیریلن بین الخالق فئستیوال‌دا اوغورلا چیخیش ائتدی

ایران آشیقلارینین قورولتایی کئچیریلدی

فضولی‌نین "لیلی و مجنون" اثری تهران‌دا آنا دیلینده چاپ ائدیلدی- فوتو

تهران‌دا ایران-روسییا مدنیت هفته‌سی کئچیریلیر

«سینه‌م ساوالان داغی‌دیر»، - دئیه‌ن وطن حسرت‌لی شاعرین دوغوم گونودور

تبریزده زلزله احتیمالی... گونئی‌ده ائکرانا چیخاریلمایان سندلی فیلم– ویدئو

خبر خطّی
 
Axar.az'da reklam Bağla
Reklam
Bize yazin Bağla