Axar.az
یوخاری


تبریز ناموسو - تاریخی رومان -دؤردونجو حیصه

آنا صحیفه کولت
12 Punto 14 Punto 16 Punto 18 Punto

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

اولی بورادا

"قارداشیمین وصیتلرینه عمل ائتمک بورجوموزدو. اما آلان-قوا اولمه لیدیر. او بیریسی دونیادا طایفالاریمیزین یوز ایللر اول اولن باشچیلاری قارداشیمی گورنده سوروشاجاقلار:

- - حورمتلی دوبون، سن مگر سوبایسان؟ آروادی اولمایان بیر آدام دا طایفانی اداره ائله یه بیلرمی؟ بیزیم هئچ واخت پوزولمامیش قانونلاریمیز وار. سن اونو نییه پوزموسان، پوزموسانسا، بیزیم یانیمیزا نه اوزله گلمیسن؟ بیز آغ ساققاللار سنه بو دونیادا او بیریسی دونیایا گوره قارغیش ائله ییریک!

دوبون سا دیه جک:- یوخ، منیم آروادیم واردی. اما اونو اوزومله گوتورمک ایسته مه دیم.

اونا دیه جکلر:

بوردا مقدس قانونلاری پوزموسان. دئ گورک، آروادین گوزل ایدیمی؟

بلی! – دئیه چک، - طایفادا ایندی یه قدر ائله گوزل اولماییب.

باش آغ ساققال ایسه سویله یه جک:

اوندا اونون آیری طایفالارلا قاریشیغی وار.

بلی، سیزدن سونرا بیر چوخ طایفالار بیر-بیریلرینه قیز وئریب، قیز آلیبلار. قانلارینی قاریشدیریبلار کی، امن-آمانلیق اولسون، بیرلیک اولسون.

اوندا باشچیلاری اونونلا لاپ سرت دانیشاجاقلار.

دئمک، طایفامیزی کور قویموسان؟ سنی کور اولاسان!

دوبون دوزمه ییب، قیلینجینا ال آتاجاق. قوجالار ایسه گولوب اونو اله سالاجاقلار:

بوردا قیلینج کسمز، سوز کسر، آی یازیق! بیزدن سونرا اونسوزدا بیزیم عادتلریمیزه قیلینج چکمیسن. ایندی بیز سوز له سنی دوغرایاجاغیق. جاوان، گوزل آروادینی اوردا تک قویموسان کی، بیزیم ناموس عنعنه لریمیز پوزولسون. اریندن سونرا اصیلسیز بیر آداملا یاستیغا باش قویسون و طایفا باشچیسینین هانسی قاندان توره دییی معلوم اولماسین. طایفانینناموسونا گولسونلر.

منیم خاتونوم ائله ایش توتماز. او بوسبوتون ناموسدان یوغرولوب!

آروادینی ناموسونا گوره اویمک کیشی یه یاراشماز. سنین کیشیلیکدن دانیشماغا حاققین یوخدور.

قارداشیم او دونیادا خجالتلی قالیب، عومور بویو جهنمده اولاجاق. اما او دا دئمه یه سوزونو تاپاجاق. دئه جک:

ائی آغ ساققاللار، سیز هئچ اوتکوخو گورموسونوزمو؟

ان قوجامانی علاوه ائده جک:

منیم آتام دئییردی کی، اورانی اوزاقدان گوروب!

بس سیز؟ سیز گورمورسونوزمو؟

بوتون آغ ساققاللار بیر آغیزدان سویله یه جکلر:

یوخ، گورمه میشی، ائشیتمیشیک. گرک دوزونو دئیک.

اما من اوتکوخو آشیب، چینده طایفایا ایپک، قماش گتیریب گئییندیرمیشم. سیزین واختینیزدا اونلارین آینینده کیقویون دریلرینی چیخارمیشام. سیزین واختینیزدا آلاچیقلاردان آرخاج، پییین ایی گلیردی. منیم واختیمدا خاتونلاریمیز چین گلابی ایله ساچلارینی یویورلار. کورپه لریمیزدن سود، قیزلاریمیزدان قیزیل گول عطیری گلیر.

داوامی وار

تاریخ
2020.01.23 / 18:50
مولف
Axar.az
شرح لر
دیگر خبرلر

سومئرلرده تولکو ایله باغلی ماراقلی تمثیل

حافظ خیاوی‌نین "آلچا گؤزوندن گلسین" رومانی نشر اولدو

تبریز درباریندا یاشایان قدرتلی ملکه؛ دئسپینا خاتون- ایکینجی بؤلوم

ساری تئل موسیقی قوروپو ایله مصاحیبه

تورکییه‌نین مشهور آپاریجی‌سی کورونایا قالیب گل‌دی

قاشقای تورکلرینین ژورنالینین ۱-جی سایی تورکییه‌ده نشر اولون‌دو

ایچریشهرین رمزلریندن بیری - قوشا قالا قاپی‌سی

تورکییه و آذربایجان ضیالیلاری "آذربایجان اوچون اوخو" لاییحه‌سین‌ده -ویدئو

طاعون رومانینی بیر داها اوخومانین بیر باشقا احوالاتی وار

باکی قالاسین‌دا دوغولوب، مالاتیا قالاسین‌دا اؤلن آلماس... – ۸ فاکت

خبر خطّی
 
Axar.az'da reklam Bağla
Reklam
Bize yazin Bağla