Axar.az
یوخاری


تبریز ناموسو - تاریخی رومان -اوچونجو حیصه

آنا صحیفه کولت
12 Punto 14 Punto 16 Punto 18 Punto

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

اولی بورادا

بیر ایل بوندان اول دوبون-بیان دونیادان کوچدو. آروادی گوزل آلان-قوانی دا یاندیران بو اولدو کی، او، دویوش ده آلدیغی یارادان یوخ، بیر گئجه نین ایچینده حامله قادینین سانجیسی کیمی دهشتلی اولان بیر سانجیدان اولدو. رنگی ده زهرلنمیش آدامین رنگی کیمی گویردی. اود رنگینه دوشدو.

ارینین اولومونو زهرلی علاقه لندیرمک ایسته ینلر اولسادا، بونا اونون قارداشلاری دایانمادیلار. چونکی اونون بیرلیکده همین خورکدن یئمیشدیلر و اونلارین هئچ بیرینه زیان دیمه میشدی.

دوبون- بیانی آتا- بابا عادتی ایله دفن ائله مک ایسته ییردیلر. اما اوزو جانین تاپشیرمامیشدان اول بئله وصیت ائتمیشدی: "بو دونیادا نهایتسیز چوللری، دوغما قارداشلاریمی، دویوش آتیمی و بیر ده خاتونومو سئومیشم. آتا- بابا قایداسی ایله خاتونومو دا اوزومله آپارمالییام. او دونیادا داریخماماق اوچون. آنجاق چوللری ده، آتیمی دا، قارداشلاریمی دا، ائلیمی ده ائله اونون کیمی سئویرم. بیر جوت اوغلوم بولقونتایلا بوقونتایی دا جمله دن. اوندا گرک هامی سینی اوزومله آپاریم. یوخ، هامیسی قوی قالسین. بیرجه آتیمی منیم یانیما گوندرین. بیر ده قیلینجیملا اوخ- کامانیمی. منیم اوچون قاخاج آت، آتیم اوچون قورو اوت قویون. سیز گور مه سه نیز ده، خیال کیمی او آتین بئلینده طایفامین ایچینده اولاجاق، اونون ایگیدلرینین ظفرلی یوروشلرینده اشتراک ائده جه یم. خاتونوم ایسه قوی جوت کورپه نی آتالارینا لاییق بویوتسون. اونون اوزونو قوروماغی ایسه قارداشلاریما، خصوصیله یئکه نیدونا تاپشیریرام. بو جور دئدی و اولدو.

او اولندن سونرا آلان-قوا اولومونو گوزلی ییردی. اگر بو دنیادا بیری-بیریلرینی تاپیبلارسا، ابدیته ده بیرلیکده کوچمه لیدیلر. بوتون گئجه نی یاتمیش یئکه نیدونون حکمونو گوزله میشدی. آرین وصیتینه باخمایاراق، بویوکلر بو وصیتی دییشه ده بیلردیلر. اول، قارداشینین آروادی اونا قارداشیندان عزیز دئیییلدی و ارسیز گنج قادین قالدیقجا اونلارین باشینا بیر یوخ، مین اویون، مین فلاکت گتیره بیلردی. هم ده عادتی پوزماق اونلارامی قالمیشدی؟ قونشو طایفالارین آراسیندا بدنام اولاردیلار. آتا-بابا عادتیندن دوندوکلرینه گوره اونلاردان اوز دوندرنلرین ده سایی آرتاردی. بویوک قارداش سحر اوز حکمونو وئرمه لی ایدی.

همین گئجه نی گلین سحره قدر یاتمادی. او، حلال اری ایله او دونیایا گئتمک اوچون حاضیردی. طایفانین دول گلینلری طالعیین حکمونه قارشی چیخمازدیلار. بیلیردیلر کی، ارلری ایله بیر یئرده اولاجاقلار. اونلار اوچون بیر آنلیق اولوم آغریسی نه ایدی کی؟ اولومدن او دا قورخموردو. اوچ یاشینا گیرن کورپه لریندن آیریلماقدان قورخوردو. سحره قدر لاپ بالاجا کورپه نی دوشونه سالیب امیزدیردی. چاغا یوخولایاندا دا اونو ایادیر، تزه دن امیزدیریردی. کسیلنه کیمی امجه یی آنا سودونون هامیسینی بیر گئجه یه وئررک، اونو دویوزدورماق ایسته ییردی. آلان-قوادان سونرا اونا کیم سود وئره جکدی کی؟ خالاسینین، بیبیسینین یازیغی گلسه، بیر جام مادیان سودو ایچیره جکدیلر. مادیان سودو هارا، آنا سودو هارا؟ همین گئجه یئکه نیدون دا یاتماییب،فیکیرلشیردی.

داوامی وار...

تاریخ
2020.01.22 / 18:50
مولف
فرمان کریم‌زاده
شرح لر
دیگر خبرلر

سومئرلرده تولکو ایله باغلی ماراقلی تمثیل

حافظ خیاوی‌نین "آلچا گؤزوندن گلسین" رومانی نشر اولدو

تبریز درباریندا یاشایان قدرتلی ملکه؛ دئسپینا خاتون- ایکینجی بؤلوم

ساری تئل موسیقی قوروپو ایله مصاحیبه

تورکییه‌نین مشهور آپاریجی‌سی کورونایا قالیب گل‌دی

قاشقای تورکلرینین ژورنالینین ۱-جی سایی تورکییه‌ده نشر اولون‌دو

ایچریشهرین رمزلریندن بیری - قوشا قالا قاپی‌سی

تورکییه و آذربایجان ضیالیلاری "آذربایجان اوچون اوخو" لاییحه‌سین‌ده -ویدئو

طاعون رومانینی بیر داها اوخومانین بیر باشقا احوالاتی وار

باکی قالاسین‌دا دوغولوب، مالاتیا قالاسین‌دا اؤلن آلماس... – ۸ فاکت

خبر خطّی
 
Axar.az'da reklam Bağla
Reklam
Bize yazin Bağla