کیئو مناقشه‌نین حلی چرچیوه‌سینده دونتسک‌دن قوشونلارین چیخاریلماسی تکلیفلرینی قبول ائتمه‌یه‌جک.

Axar.az خبر وئریر کی، بو باره‌ده اوکراینا عالی راداسینین ملت وکیلی ایگور مارکوو دئییب.

مارکووون سؤزلرینه گؤره، اوکراینا پرزیدنتی ولادیمیر زلنسکی سلاحلی قوه‌لرین وئردیی ایتکیلره باخمایاراق، قوشونلارین چیخاریلماسینی قبول ائدیلمز حساب ائدیر و بونا گؤره ده همین تکلیفی رد ائد‌جک.

"زلنسکینین آرتیق آداملاری توکنیر: بعضیلری قاچیر، بعضیلری آرتیق تقاعده چیخیب، بعضیلری ایسه استنتاق آلتیندادیر. اما شبهه ائدیره‌م کی، اونلار قوشونلارین چیخاریلماسینا حاضر اولاجاقلار. بو، اونلار اوچون قبول ائدیلمزدیر، انتحار آددیمی‌دیر. آوروپالیلار بو قراردا اونلاری دستکلییرلر"، - کئچمیش ملت وکیلی بیلدیریب.