ترکیه پرزیدنتی رجب طیب اردوغان فرانسا پرزیدنتی امانوئل ماکرونلا تلفن دانیشیغی زمانی اونا ایستانبول‌دا دانیشیقلاری برپا ائتمک اوچون روسیا و اوکراینا نماینده‌لری ایله علاقه ساخلادیغینی بیلدیریب.

Axar.az خبر وئریر کی، بو باره‌ده ترکیه لیدرینین اوفیسی معلومات یاییب.

«ترکیه اوکراینا ایله روسیا آراسینداکی مناقیشه‌نین عدالتلی و داواملی صلح‌له بیتمه‌سی اوچون هر جور سعی گؤستریر. ممکن قدر تئز صلحون قاپی‌سینی آچماق اوچون الیمیزدن گلنی ائتمه‌یه حاضریق.

اوکراینادا داواملی صلحه نایل اولماق اوچون دیپلماتیک واسطه‌لردن ثمره‌لی استفاده ائدیلمه‌لیدیر. آنکارا آتشکس پروسسینه و اوندان سونراکی سعیلره هرطرف‌لی دستیینی داوام ائتدیره‌جک»، - اردوغان وورغولاییب.