آنا صحیفه کولت |
بو گون خالق شاعری نبی خزرینین (۱۹۲۴-۲۰۰۷) دوغوم گونودور.
کولت. آذ نبی خزری ایله باغلی ۷ فاکتی تقدیم ائدیر:
۱. نبی خزرینین اوشاقلیغی چوخ آغیر کئچیب: او، ۱ ایل عرضینده ۳ قارداشینی ایتیریب. آتاسی کربلایی علی اکبر (۱۸۷۳-۱۹۳۳) بو ایتکیلره دؤزه بیلمهییب و او دا همین ایل دونیاسینی دییشیب.
۲. ن.خزری آذربایجان یازیچیلار اتفاقینا کیتابی چیخمادان عضو سئچیلمیش ایلک شاعردیر. هله ۲۰ یاشیندا ایکن خالق شاعری صمد وورغونون تاکیدی ایله یازیچیلار اتفاقینا عضولویه قبول ائدیلیب.
۳. محاربهده چوخ آغیر خستهلندیی اوچون اوردودان ترخیص ائدیلیر و ائوه دؤننده دوغما باجیسی بئله اونو تانییا بیلمیر. محکم خستهلندیی اوچون میر محسن آغانین ائوینه آپاریلیر و بیر مدت اورادا قالیر.
۴. او، ۱۹۴۷-۴۹-جو ایللرده لنینگراد دؤولت اونیورسیتتینده ۱۹ قیزین یانیندا یئگانه اوغلان طلبه اولوب. اونلاردان یاشجا بؤیوک اولدوغو اوچون بیر دوست، قارداش کیمی قیزلاری قورویارمیش. بیر گون یوخاری کورسدا اوخویان ایکی ارمنی طلبه قروپلارینداکی قیزلارین بیرینه ساتاشیر. نبی خزری او ارمنینی محکم دؤیور، دیگری ایسه قاچیر. بو حادثهدن سونرا نبی اونیورسیتتدن آزاد ائدیلیر. لاکین قروپ یولداشلاری اولان قیزلار رکتورلا گؤروشوب ن.خزرینی مدافعه ائدیرلر و او، یئنیدن اونیورسیتته برپا ائدیلیر.
۵. موسلوم ماقومایئوین ایفا ائتدیی مشهور «آذربایجان» ماهنیسینین سؤزلرینی شاعر دونیا شهرتلی موغهننینین خواهیشی ایله یازیب. اوریژینالدا شعیرین آدی »بهارلی یوردوم» اولوب، سونرادان دییشدیریلیب.
۶. نبی خزری خالق یازیچیسی عیسی حسینوولا قوهوم اولوب.
۷. او، خزر دنیزینی چوخ سئودیی اوچون «خزری» تخلوسونو گؤتوروب.
تاریخ
2019.12.10 / 17:15
|
مولف
Axar.az
|