آمئا-نین نظامی گنجوی آدینا میللی آذربایجان ادبیاتی موزئیین‌ده شرقین بؤیوک موتفکری، شاعر عمادالدین نسیمینین ۶۵۰ ایللیک یوبیلئیی مناسیبتیله تشکیل ائدیله‌ن اکسپوزیسییا داها بیر قیمت‌لی اکسپونات حسابینا زنگینلشیب.

رئپورت خبر وئریر کی، خالق رسامی ناطق علیئوین ۲۰ ایل اول عرصه‌یه گتیردیی و حلب‌ده (سورییا) نسیمینین دفن اولوندوغو مکانا وورولماسی اوچون نظرده توتولان بارلیئف بو اکسپوزیسییایا داخیل ائدیلیب.

موزئیین دیرکتورو رافائل حسینوو بیلدیریب کی، سؤزوگئدن صنعت اثرینی تانینمیش ژورنالیست قولو محرم‌لی واختیله حلبه آپارماق اوچون حاضیرلاتدیریب.

محرم‌لی ۱۹۹۰-جی ایلده حلب‌ده نسیمینین مزارینی زیارت ائتدیینی و شاعرین دفن ائدیلدیی اراضی‌ده اونون کیملیگی حاقین‌دا هئچ بیر معلومات لؤحه‌سینه راست گلمدیینی خاطیرلادیب.