کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

اولی بورادا

کؤچور‌ن آینوره مممدووا

آلان- قوایا ایندی چوخ شئی آیدین اولدو. دئمک، هر قانادلی قوشون یئره دوشدویو زامان قوندوغو اوز نقطه سی وار. هر تانری دا بیر یئره باغلیدیر. یئر یوخدورسا، انسانلار یوخدورسا، دئمک تانری دا یوخدور. شامان بابا بونارین هامیسینی بیلیر و دایاق نقطه لرینین سرینی اوزونده ساخلاییر.

آلان-قوا گوروب، اونو دینله یندن سونرا دایاق نقطه سی تاپیب قالخسادا شامان بابا هله ده یئردنن، بوداکی قایغیلاردان یئکه نیدونون مکریندن قوپا بیلمیردی. اونون اوزونده کی ایشیق ایتمیش، همیشه آلووا باخان گوزلری، اونا کومک الی اوزادان گوزل آلان- قوایا دیکله نیب قالمیشدی.

خاطون ایندی یه قدر ائله بیلمیشدی کی، شامان بابا یئرین- گویون سرلرینی بیلیر و نه ایسته سه، اونو ائده بیلر. ایندی باشا دوشدو کی، گور، نئجه ده عاجز، نئجه ده ضعیفدیر. ائل- اوبا اونو بئله گورسه، بیر داها اونا اینانماز و او، بیر تیکه یئمک اوجباتیندان جوللره دوشوب، قورد- قوشا یئم اولار.

شامان بابا، فیکرا یئنه ده تانریلارین یانینا قاییت. بیزی محو اولماقدان قورتار. اوندا گرک من یئکه نیدونون دئدییینه عمل ائدم
بو ممکن دئییل. آلان- قوا بیر آز دا یاخینلاشدی کی، شامانلا اونون دانیشدیغینی کناردان هئچ کس ائشیده بیلمه سین. – سن تانریلاردان سوروش، اونلاردان طلب ائت کی، قارداشین قارداش خاتونونا ائولنمه یینی قاداغان بویورسونلار.

یئک نیدون تانریلاری ائشیده جکمی؟ اونلارین سوزونه عمل ائده جکمی؟ آه، او نه قدرمکرلیدیر!

ائشیتمه لیدیر. ائشیتمه سه، ایلدیریملارینی گوندرسینلر، اونو وورسونلار.

تانریلار صبرلی اولورلار. بونو ائتمزلر.

آلان- قوا سری آچماق اوچون واختین یئتیشدییینی آنلادی. آرتیق بو سر شامانا آچیلمالییدی. بو سرینآچیلماسی اونلارین هر ایکیسینی خلاص ائده جکدی.

شامان بابا، من سیزه بیر سری آچماغا گلمیشم. بو یالنیز تانریلارا عائد اولدوغونا گوره، اونو سیزه آچمالییام.

او هر گئجه باجادان دوشن شعاع یا، اونون قیرمیزی ساققاللی، ماوی گوزلو کیشییه چئوریلمه یینه عائد نه وارسا، اولدوغو کیمی دانیشدی. او دانیشدیقجا شامانین گوزلرینین نئجه ایشیقلاندیغینی گوروردو. شامان تیترک سسله سوروشدو: بو باخشیدان اول اولوب، یا سونرا؟
خیلی اول، خیر خواه شامان!

شامان فیکره گئتدی و قوپوزونو گوتوردو. خیلی قدیم بیر هاوا چالدی. چالدیقجا دا دوداقلاری آراسیندا نه سه میزیلداندی. آنلاشیلماز سوزلر دئدی. تئز-تئز ده اوجاغینا نه سه آتدی، آلوو گور یاندی. اوبادا شامانین بو هاوانی چالدیغینی هئچ کس ائشیتمه میشدی. اونا گوره ائشیدن- ائشیدن اونون آلاچیغینین اطرافینا ییغیلیردی.

بو واخت سانکی معجزه باش وئردی.

آت بئلینده هاردانسا گلن یئکه نیدون (بو آت اونون آلتیندا لاپ ائششک بویدا گورونوردو) آجیقلی-آجیقلی شامانین چادیرینا طرف باخدی. او، آیاقلارینی اوزنگی یه قویمامیش، تولوق کیمی ساللا میشدی، یئرده کی اوت لارا سورتونه-سورتونه گئدیردی.

یئکه نیدون قوپوز سسینی ائشیتدی، البته آداملاری گوروب، تعجبلندی. تام قرارا گلدی کی، شامانی بوردان دیدرگین سالیب، اونون یئرینه همین باخشینی گتیرسین. آخی نییه گونو گونه ساتیردی؟ بلکه باخشینین طلسمینین تاثیرینی گوزله ییردی؟ یوخ، یوخ، یاخشیلیغا دوغرو هئچ نه گورمه دییینه گوره گونو-گونه ساتیر، قطعی قرار وئره بیلمیردی. باشقا سبب یوخ ایدی.

داوامی وار