Axar.az
یوخاری
17 فئورال 2020


تبریز ناموسو: تاریخی رومان -۱۲-جی حیصه

آنا صحیفه کولت
12 Punto 14 Punto 16 Punto 18 Punto

اولی بورادا

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

"انسان نئجه ده یالانچی، نئجه ده ایکی اوزلو اولور. اوز آدینی قوروماق اوچون هامینی آلداتمالیدیر. یالاندیر، من اریمه چوخدان خیانت ائله میشم. باجادان شعاع- ایشیق دوشن گئجه دن. هم ده من اریمه گوره یوخ، او قیرمیزی ساققال، ماوی گوز کیشییه گوره بزه نیب- دوزه نیرم. دئمک، شامان بابادا منه گوره غضبلنیب. آیری ائلدن باخشی چاغیریبلارسا، اوندا بو شامانا دئمکدیر کی، سن بیزه لازیم دئییلسن"

آلان-قوا اوزونو اله آلاندان سونرا، هاوا کیمی ماوی پالتارینی گئیینیب، دینگه سینی قویاندان سونرا چادردان چیخدی. اونون گوزلری قاماشدی. نئچه واخت ایدی کی، گوندوزلر آلاچیقدان باییرا چیخمیردی. اونا گوره ده پاییزین گونشلی گونو اونون گوزلرینی بیر آز قییدی.

شامانین چادیرینین پرده سی آچیق ایدی. اورتادا اوجاق یانیردی. اوزو ده چوخ دردلی بیر وضیتده اوتورموشدو. خاتون حس ائله میشدی کی، اونونگئتمه یینه شامانین احتیاجی وار. چوخ واخت هامییا کومک اولان، یول گوستره نین اوزو گئتدییی یولون استقامتینی ایتیریب، هارا گئده جه یینی بیلمیر. بئله واختدا اونا کومک اولماق، قولوندان توتوب، آزدیغی یئرالتی ماغارانین کشمکشیندن چیخارماق لازیمدیر کی، اوزونون گله جک ایشینی یئنه ده سهوسیز گوره بیلسین.

آلان- قوا ماوی پالتاردا اوجاغین باشیندا دایاندی.

گون آیدین، شامان بابا!

گون آیدین، خاتون قیزیم.

او باشا دوشدو کی، یئر گناهکارلاری شامانین دا قانادلارینی قیریب، گویلردن سالاراق، اوزلرینه دوندریبلر. آخی، شامانین گوجو گویلرده، تانریلارین یانیندا دایانماغیندادیر. آخی، شامان بونلارا آت کسمه یی، قویون اوتارماغی اویره ده بیلمز. اونو اوزلری یاخشی بیلیرلر. شامان اونلارین روحونو قانادلاندیرمالیدیر. عادی لیکدن هردن بیر اونلاری اوزاقلاشدیریرسا، دئمک، اونلارین حیاتلارینی محکملندیریر. عادی انسان ایسه بونسوز هئچ نه دیر. صحراداکی سوروننلردن، دورد آیاقلیلاردان بیریدیر.

آلان- قوا بونو بیلیردی، گلمکده ده مقصدی ائله شامانی معنوی جهتدن قانادلاندیرماق ایدی. اونون اوزو ده بو گون گویلردن یئره ائندیریلمیشدی و قانادلاری سینیب یانینا دوشموشدو. بونون نه دئمک اولدوغونو آنلامیشدی. اونون اوزونون ده کومه یه احتیاجی وار ایدی. اونلار بیرلشمه لی، بیر- بیریلرینی روحلاندیریب، قانادلاندیرمالییدیلار.

خیلی سکوت ایچینده دایانیب باخشیدیلار. هاردان صحبته باشلایاجاقلارینی بیلمیردیلر. بیرینجی قوا دیللندی:

شامان بابا، بیلدیییمه گوره بیزیم ائلین نئچه ایللرله آغریلارینی چییینلرینده داشییان سنه خیانت ائدیبلر. گلدیم دئیم کی، شامان بابامیزین قوپوزو دانیشماسا، اونون اوجاغی یانماسا، اوندا هامیمیز او سونه جک اوجاغین یئرینده قالاجاق کوله دونه جه ییک.

بونو باشقالاری دا بیلیرمی؟ شامان سورغولاشدی.

بیلمه سه اولار، شامان بابا. هامی بیر فیکیرده اولسا، هامی ایره لینی گورسه، اوندا شامان هئچ کیمه لازیم اولمازدی.

خانیم قیزیم، سنه باخشی طلسمی تاثیر ائتمه ییبمی؟

یوخ ، باخشی طلسمینین شامان بابامیز تاثیر گوسترمه سی منی مایوس ائدیر. صحبت مندن گئده بیلمز.

شامان اوجاغا یئنه نه سه آتدی و آلووون دیللری یاللی گئدیرمیش کیمی شنلندی.

شامان بابامیز! باخشینین طلسمینین تاثیری اولا بیلمز. آخی، اونون ائله دیکلری یالان اوسته قورولوب. من ایسه ائل اوبامیزا دوز یول گوستریر، ایری یوللاردان چکیندیریر. ایری دوزو کسه بیلرمی؟

یوخ!

خانیم! قیزیم، من نئچه ایللردی کی، طایفا باشچیسینین اوزو ایله برابر زوجه سینین دفن اولونماسی عادتینه قارشی چیخمیشام. ار ایگیدلریمیزین ده وصیتینی من اویرتمیشدیم. بو وحشیلیکدیر. من ایسته ییرم کی، ائلیمیز وحشیلیکدن انسانلیغا دوغرو گئتسین. یئکه نیدون ایسه بونا گوره منه دشمن کسیلیب.

داوامی وار

تاریخ
2020.02.03 / 19:09
مولف
Axar.az
شرح لر
دیگر خبرلر

آذربایجانین قدیم خالق رقصی- میرزیی رقصی-ویدئو

تبریز ناموسو- تاریخی رومان-۲۵-جی حیصه

ظابط نبی‌زاده فجر موسیقی فئستیوالین‌دا – فوتو

میللتیمیز یارین بیر فلاکته اوغرارسا، سبب قادینلاردیر - رسول‌زاده

آدیمی گووه‌ج قوی، اوجاق اوسته قویما...

ایکی سئودا چکه‌نلرین جزاسی وار - ویدئو

بیر سؤزجویون اؤیکوسو: «خییوو» نه دئمک؟

برگزاری جشنواره موسیقی عاشیقلار در تبریز

قارمونو الین‌دن یئره قویمایان تبریزلی موسیقی‌چی

آذربایجان میللی خالق رقصی-قایتاغی-ویدئو

خبر خطّی
 
Axar.az'da reklam Bağla
Reklam
Bize yazin Bağla