یوخاری

تبریز ناموسو: تاریخی رومان -۱۱-جی حیصه

آنا صحیفه کولت
12 Punto 14 Punto 16 Punto 18 Punto

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

اولی بورادا

کنیز اوندان هئچ نه گیزلده بیلمزدی. اونون هر شئیی بیلمک ماراغی بونا امکان وئرمزدی، او، بیلمکده دئییل، هم ده بیلدییینی دئمکده، یایماقدا ماراقلی ایدی.

اوبادا دانیشیرلار کی، اگر بویوک خانیم بو ازدواجا راضی دئییلسه، بس اوندا نییه ارینین واختیندا اولدوغوندان دا چوخ عطیرلنیر، بزه نیب- دوزه نیر؟

باخ، بو، حقیقت ایدی...

ۀخی، اونلارر هاردان بیلیر کی، من عطیرلنیرم، چیچک قیز؟ بلکه سن اوزوندن اویدورورسان؟ یاخود بیله- بیله یاییرسان؟
یوخ، بویوک خانیم؟ دوققوز اوغوز، اون اویغور طایفاسینین بوتون اولنلرینین روحونا آند ایچیرم کی، من هئچ کیمه هئچ نه دئمه میشم. عطیری گیزلتمکمی اولار؟ دورد بیر یانین پیین اییی ایچینده دیر. سنین عطرینی، بو خوش ایی هامینین بورنونا چاتیر، اییی آلاچیقدا نئجه گیزلتمک اولار؟ هم ده دانیشیرلار کی، یئکه نیدون ائرکنگون داغیندا کی طایفانین باخشی سینی چاغیرتدیریب، اونا قربانلیق مادیان کسدیریب. گیزلینده خیلی صحبت ائدیبلرر. باخشینی یولا سالاندان سونرا او قدر قیمیز ایچیب کی، ایکی گون یوخودان آییلماییب.
اونو نییه چاغیریب؟

هئچ کس بیلمیر. شامان بابا دا بوندان چوخ حرصلنیب. نئچه گوندور یاتیر، ائله اوجاغینی قالاییر، آل، آلووا باخیر، قوپوزونا دا ال وورمور.

الان- قوا فیکیرلشدی کی، بلکه ده ائله بو شعاع- ایشیق مسئله سی همین باخشینین ایشیدیر؟ همین قیرمیزی ساققال و ماوی گوز کیشی قاینی نیدونون اوزودور؟ سحره بیر باخخ، تانری! قوانی دهشت بورودو. یهنی او، همیشه او دیرناقلارینییینین آراسینا پئیین دولان، گونلرله آرخاجدا یاتیب قالان، قویون اییی وئرن یئکه نیدونلا بئله جه غیر عادییی زفاف گئجه لری کئچیریر؟ یوخ، بو اولا بیلمز. او قیرمیزی ساققاللی، ماوی گوزلو مخلوقدان پئیین اییی گلمیر. اوندان، دئیه سن، هئچ بیر ایی گلمیر. یوخ گلیر؟ یادینا سالماغا باشلادی. او گئدندن سونرا آلاچیقدا ککلیک اوتو ایییینه بنزر، تانریلارا مخصوص خوش و مست ائدیجی بیر عطیر قالیردی. هئچ جور اولا بیلمز کی، یئکه نیدون قویون اییندن بو دونیایا یاخا قورتارا بیلسین. بس اونو ایشیق شعاسینااا دوندرن، صیفتینی دئییشن عطیرله چیمیزدیره بیلمزمی؟
قلبینده نه یییسه اولچوب- بیچندن سونرا سوروشدو:

دئییرسن، باخشینی نه واخت چاغیرمیشدی؟

بویوک خانیم شامانین چادیرینا گئدندن بیر هفته سونرا.

آلان- قوانین اوره یی آرخایینلاشدی. دئمک، او، دلی دئییلمیش و کنیزلرین اونا غریبه باخمالارینین قورخوسو یوخ ایمیش.

چیچک، گئت، او باداکی خاتونلارا آنلات کی، بئلهمسئله یوخدور، اولماییب اولا دا بیلمز. من بوتون عمروم بویو، اوله نه قدرر یالنیززز ار ایگیدیمین خیالی ایله یاشایاجام و او دونیاداا بیر-بیریمیزه قووشماق آرزوسوندان باشقا هئچ بیر اوزگه ایسته ییم یوخدور.

چیچک سوینجیندن چیچک کیمی آچیلسا دا، اونون اوزونه ده هله قارانلیق اولان بیر مسئله نی ده آیدینلاشدیرمامیش گئتمه ییب دایاندی.
بویوک خانم، بس سوروشسالار کی، بو عطیر، انلیک، کیرشان، قیرمیزی لباس نه دیر، اوندا نه دئییم؟

اندا دئ کی. بویوک خانیم شامانین یانینا گئدنده اونا گوره قیرمیزی گئیینمیشدی کی، شامان اونون او دونیایا ار ایگیدینین یانینا گئتمه یینه راضی اولسون، بیلسین کی، اریندن آیری بو دونیادا یاشایا بیلمیر. هم ده قیرمیزی اولوم کجاوه سینه مینب، ارینین یانینا توی پالتاریندا گئتمک ایسته ییرمیش. بونو شامان بابامیز دا تصدیق ائدر. عطیرلنمه یه گلینجه، دئییرسن کی، شامان اونون گئتمه یینه راضیلیق وئرمه سه ده، هله ده اومودونو اوزمور و ار ایگیدینه گورهعطیرلنیر. هر آن اونون یانینا گئتمه یه حاضیر وضیتده اولور.

چیچک سئوینه- سئوینه، کورکونون اتکلرینی یئلله یه- یئلله یه آلاچیقدان چیخدی. او گئدندن سونرا آلان- قوا اللری ایله اوزونو توتوب، هونکورمک درجه سینه قدر کوورلدی.

داوامی وار

تاریخ
2020.02.01 / 11:20
مولف
فرمان کریم‌زاده
شرح لر
دیگر خبرلر

گنجه‌لی قیزین سون دنیا تورو: باکییا نیه گلمیر؟

مشهور برند آدلاری: بئله یارانیب...

آمازونلارین آذربایجان‌دا موجودلوغونون داها بیر ثبوتو-فوتو

دونیانین ان غریبه موزه‌لری…

آناسینین «فریده»-سی، صحنه‌میزین نرمینه‌سی…

گونئی آذربایجان‌دا ملی رقصیمیز نماییش ائتدیریلدی - ویدئو

بو گون بین‌الخالق تئاتر گونودور

تاختا پارچاسی ۷۱۹ مین دلارا ساتیلدی

عرق، سرروز و سون رول - سمندر رضایئوین عمور یولو

آذربایجان کمدییاسینین بانیسی: ثابت رحمان

خبر خطّی
Axar.az'da reklam Bağla
Reklam
Bize yazin Bağla