یوخاری

باکینین اؤزللیکلری ندیر؟ - ایران مطبوعاتی

آنا صحیفه کولت
12 Punto 14 Punto 16 Punto 18 Punto

ایرانین ANA.ir پورتالین‌دا باکی حاقین‌دا مقاله یاییلیب.

کولت. آذ خبر وئریر کی، مقاله‌ده قید اولونور کی، باکی آسییانین ان گؤزل شهرلرین‌دن بیری کیمی تانینیر. او، تبریزله قارداشلاشمیش شهردیر. بس باکینین اؤزللیکلری ندیر؟ گلین بو شهرله تانیش اولاق. باکی تبریزه چوخ بنزییر. باکینین تاریخی پالئولیت دؤورونه گئدیب چیخیر. آبشرون بؤلگه‌سینده قدیم اینسانلار هله او دؤورده یاشاییب. آرخئولوژی تاپینتیلار باکی شهرینین چوخ قدیم اولدوغونو تصدیقلییر.

قدیم‌ده باکی قالا دیوارلارینین احاطه‌سین‌ده اولوب. شهری قوروماق اوچون دیوارین اطرافین‌دا خندک ده قازیلیبمیش. مسئله اوندادیر کی، بو شهر هله او دؤورده اینکیشاف ائتمیش لیمان ایدی. بورادا آشکارلانمیش داش کیتابه‌یه گؤره، او دؤورده شهر رومالیلارین حاکمیتی آلتین‌دا اولوب. داها سونرا آذربایجان عربلر طرفین‌دن ایشغال ائدیلیب. باکی، شاماخی، دربند و دیگر آذربایجان شهرلرینی اؤزونده بیرلشدیره‌ن بو دیار شیروانشاهلار آدلانیب.

زامان کئچدیکجه باکی خزرین اساس تیجارت لیمانینا چئوریلیب. تاریخبویو بورا دفعه‌لرله روسلارین هجومونا معروض قالیب. روسلارین باکییا هجوملاریندان بیری ۱۰۳۰-جو ایلده باش وئریب. او زامان روس قوه‌لری شیروانشاهلار حاکمیتینی مغلوب ائد‌رک بعضی اراضیلری اله کئچیریب، لاکین جمعی ۱ ایل سونرا اورادان قووولوب.

۱۱-جی عصرده باکی سلجوقلارین نظارتینه کئچیب. ۱۲۲۰-جی ایلده آذربایجان مغوللارین هجومونا معروض قالیب. باکی مغوللارا سون آنادک مقاومت گؤستره‌ن یئگانه آذربایجان شهری اولسا دا، سون‌دا تسلیم اولماق مجبوریتین‌ده قالیب. بونونلا دا شیروانشاهلار سلاله‌سینین حکمدارلاری مغول پادشاهلارین رعیتی اولوب. باکی ایسه مغول حکمدارلارینین قیش ایقامتگاهینا چئوریلیب.

۱۴-جو عصرده مونقول دؤولتی سقوطا اوغراییب و نتیجه‌ده شیروانشاهلار موستقیل‌لیک اوغرون‌دا مباریزه‌یه قالخیب. بونونلا دا شیروانشاهلار دؤولتی و باکی خاریجی قوه‌لردن تمامیله موستقیل شکیل‌ده ایداره اولونماغا باشلاییب. همین دؤور باکینین تاریخین‌ده یئنی مرحله‌نین باشلانغیجی‌دیر. باکی‌دا بو گون ده قالان مشهور شیروانشاهلار سارایی محض همین دؤورده اینشا اولونوب، شهرده آبادلیق ایشلری آپاریلیب، چوخ‌لو سایدا کاروانسارا و کؤرپو تیکیلیب.

شهرین فتحینین یئنی مرحله‌سی ایسه ایران‌دا صفویلر سلاله‌سینین حاکمیته گلیشی ایله باشلاییب. ۱۵۰۱-جی ایلده شاه ایسماییل صفوی باکینی فتح ائدیب و اونو صفوی دؤولتینین ترکیبینه قاتیب. لاکین ایرانلا عثمانلی تورکلری آراسین‌داکی محاربه نتیجه‌سین‌ده باکی تورکلرین نظارتینه کئچیب و اوزون ایللر اونلارین نظارتین‌ده قالیب. اما سون‌دا ایران قوه‌لری اونلاری گئری چکیلمه‌یه مجبور ائده بیلیب.

۱۸-جی عصرین اورتالارین‌دا باکی ایلک دفعه (۱۷۹۶-جی ایلده) روس قوه‌لری طرفین‌دن ایشغال اولونوب و نهایت، ۱۸۰۵-جی ایلده تمامیله روسییانین نظارتینه کئچیب. سون‌دا سووئت اتفاقینین داغیلماسی ایله موستقیل دؤولته چئوریلمیش آذربایجان پایتختی باکی بو گون بیر چوخ توریستین سئویم‌لی شهری‌دیر. اورایا اوز توتان توریستلرین سایی ایلده‌ن-ایله آرتیر.

باکینین توریستیک مکانلارین‌دان بیری ایچریشهردیر. ایچریشهر سانکی باکینین اساسینی تشکیل ائدیر. ایچریشهرین اساس تاریخی عابده‌لری قیز قالاسی ایله شیروانشاهلار سارایی‌دیر.

«آلوو قوله‌لری» بو گون باکینین ان اوجا گؤی‌ده‌له‌نلری سیراسین‌دادیر. کومپلئکس ۱۶۱، ۱۶۵ و ۱۸۲ متر هوندورلویون‌ده ۳ بینادان عبارت‌دیر. اونلارین هر بیرینین تییناتی فرق‌لی‌دیر. بینالاردان بیری یاشاییش بیناسی‌دیر، دیگری اوفیسلرین یئرلشدیی مکان‌دیر. اوچونجو بینا بئش ولدوزلو اوتئل‌دیر. قوله‌لرین دیزاینی آذربایجانین مدنی کؤکلرینه اساس‌لانیر. آذربایجان تورکلری تاریخاً آلووا خصوصی دیر وئریب، اونو پاک عنصر ساییب. بو سبب‌دن قوله‌لر آلوو فورماسین‌دادیر.

شیروانشاهلار سارایی باکینین ان قدیم رمزلرین‌دن ساییلیر. شیروانشاهلار سارایی ۱۵-جی عصرده، باکی شیروانشاهلار ایمپرییاسینین پایتختی اعلان اولونان زامان تیکیلیب. باکینین ان قدیم تیکی‌لیلرین‌دن اولان بو سارای ۲۰۰۰-جی ایلده یونئسکو-نون عمومدونیا ارث سیاهی‌سینا سالینیب. او، باکینین ان یاخشی توریستیک مکانلارین‌دان حساب اولونور. شیروانشاهلار سارایین‌دان مترونون «ایچریشهر» ایستانسییاسینا پیادا ۵ دقیقه‌لیک مسافه وار.

تاریخ
2020.01.18 / 23:16
مولف
Axar.az
شرح لر
دیگر خبرلر

گنجه‌لی قیزین سون دنیا تورو: باکییا نیه گلمیر؟

مشهور برند آدلاری: بئله یارانیب...

آمازونلارین آذربایجان‌دا موجودلوغونون داها بیر ثبوتو-فوتو

دونیانین ان غریبه موزه‌لری…

آناسینین «فریده»-سی، صحنه‌میزین نرمینه‌سی…

گونئی آذربایجان‌دا ملی رقصیمیز نماییش ائتدیریلدی - ویدئو

بو گون بین‌الخالق تئاتر گونودور

تاختا پارچاسی ۷۱۹ مین دلارا ساتیلدی

عرق، سرروز و سون رول - سمندر رضایئوین عمور یولو

آذربایجان کمدییاسینین بانیسی: ثابت رحمان

خبر خطّی
Axar.az'da reklam Bağla
Reklam
Bize yazin Bağla