مشهور پرو یازیچیسی، جولیو رامون ریبیرونون* (1929-1994) حیکایه یازماق ایسته‌ین‌لره توصیه‌لرینی تقدیم ائدیر. قید ائدک کی، ریوئیرو داها چوخ قیسا حیکایه‌لر مؤلفی کیمی تانینیر. او، لیمادا ادبیات تحصیلی آلیب، 1960-جی ایلده پاریسه کؤچرک اورادا ژورنالیست فعالیتی ایله مشغول اولماغا باشلاییب.

1. حیکایه حادیثه‌دن بحث ائتمه‌لی‌دیر. حادیثه‌سیز حیکایه یوخدور. حیکایه‌لر اوخوجو دا بحث ائدیلن حادیثه‌نی اؤزونه مخصوص شکیلده دانیشابیلسین دئیه یارانیر.

2. حیکایه‌ده‌کی حادیثه رئال، یا دا تخیل محصولو اولابیلر. آما، رئالدیرسا تخیل محصولو کیمی، تخیل محصولودورسا رئال حادثه کیمی اولما‌لیدیر.

3. حیکایه قیسا اولما‌لیدیر، بیر دفعه‌یه اوخونابیلمه‌لیدیر.

4. حیکایه‌ده بحث ائدیلن حادیثه أیله‌ندیرمه‌لی، هیجانلاندیرما‌لی، تعجوبلندیرمه‌لیدیر. بونلارین هامیسی‌نی بیردن ائده‌بیلیرسه لاپ اعلا. بونلارین هئچ بیرینی باجارمیرسا او حیکایه ساییلمیر.

5. حیکایه‌نین اوصلوبو آچیق اولما‌لیدیر؛ یعنی شیشیردیلمیش، دولانباج یوخ. گلین، اونو بوراخاق شعر، یا دا رومانین ایختیارینا.

6. حیکایه یالنیز گؤسترمه‌لی‌دیر، اؤیرتمه‌مه‌لی‌دیر. عکس حالدا روایت اولار.

7. حیکایه بوتون تکنیک‌لری قبول ائدیر: مونولوق، دیالوق، ساده آنلاتما، یازیشما‌لار، بیر بیریله علاقه‌سیز متن‌لرین کولاژی (بویالارین مخلوط ائتمه صنعتی) و سایر. آنجاق بو اصول‌لار حادیثه‌نی داغیتماما‌لی و اوخوجو حادیثه‌نی بیر ایفاده ایله سونا چاتدیرا بیلمه‌لی‌دیر.

8. حیکایه‌یه باشلاماق اوچون کاراکترین، یا دا کاراکترلرین طالع‌لرینی تعیین ائده‌جک بیر قرار قبول ائتمک مجبوریتینده قالدیقلاری بیر دیله‌مایلا قارشی-قارشییا اولدوق‌لاری بیر آن، یا دا وضعیتی سئچیلمه‌لی‌دیر.

9. حیکایه‌ده اؤلو زامانا یئر یوخدور، لازیم‌سیز هئچ بیر شئی یازیلماما‌لی‌دیر. هر بیر سؤز موطلق ضرورت‌دن دوغما‌لی‌دیر.

10. سون نه‌ قدر گؤزله‌نیلمز و یا غئیری-عادی اولسا دا حیکایه قاچیلماز بیر سونلوغا دوغرو آخما‌لی‌دیر؛ اوخوجو حیکایه‌نین گئدیشینی به‌ینمیرسه دئمه‌لی حیکایه دوزگون یازیلماییب.