اولی بورادا

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

چوبان ناخچیوان‌دا دوغولموش‌دو. سولدوس طایفهسین‌دان ایدی. مونقول سارایینا دا اونا گؤره آپارمیش‌دیلار کی، هم عقل‌لی و ایگید سرکرده ایدی، هم ده مونقوللارین گلدیی آنا وطنلرین‌ده ده سولدوس طایفهسی وار ایدی. اونا گؤره ده واختیله اونون نسلین‌دن ده، آدلی-سان‌لی طایفهلاردان بیر نفرین ده اولسون، اونون درجه‌سینه یوکسلمه‌مه‌سی امیر چوبانی پاخیل‌لیق اوخونون هدفینه چئویرمیش‌دی. بو دا نتیجه‌سی. اؤز دوغما شهرینین آداملاری سوی-قصدچیلرله بیرلشیب، اونو محو ائتمک ایستییردیلر.

سحره یاخین اوچ آتلی آرازی کئشیب، تبریزه طرف اوز توت‌دو. بونلاردان بیری امیر چوبان، دیگری اونون اوغلو، اوچونجوسو ایسه قارا بی ایدی.

حسین کیشی اؤزونو کلوتپه کندین‌ده‌کی یئزنه‌سینین ائوین‌ده میتیل اوستونه آتسا دا، گؤزونه یوخو گئتمیردی و بیرجه شئی فیکیرلشیردی: «بیچاره، اوزوم‌دن بیر گیله ده یئمه‌دی».

امیر چوبان هؤکمدارینین یانینا گئدیردی، اما یئنه ده اوریی راحت دئییل‌دی. او، آتین جیلووونو بوراخمیش‌دی. ائله فیکرینین ده ساپینی بوراخمیش‌دی.

قازان خان‌دان سونرا اؤلکه‌ده ایشلر قای‌داسین‌دا دئییل‌دی. نه قدر کی، قازان خانلا وزیری مشهور تاریخ‌چی، هکیم و وزیر فزلوللاه رشیدددین ال-اله وئریب، اؤلکه‌نی ایداره ائدیردیلر، هئیأت چیچکله‌نیردی. قازان خان اؤل‌ن‌دن، محمد خودابه‌ن‌ده حاکمیت‌ده اولان‌دان سونرا اؤلکه گون‌دن-گونه تنززول ائدیردی. امیر چوبان، خودابه‌ن‌دنین قیزی دوله‌ن‌دی خانیملا ائولنمیش‌دی و اونون دوققوز اوغلو واردی. اوغوللاری دا یوکسک تحصیل آلمیش، دؤیوشلرده متینلشمیش‌دیلر. ایندی تئیمورتاش روم ائلینین هاکیمی‌دی و کونیا شهرین‌ده اوتوروب، بو بؤیوک ویلایتی ایداره ائدیردی.

ایکی ایل اول ایسه اون ایکی یاش‌لی ابو-سید خان اؤل‌ن آتاسینین یئرینه تاخت‌دا اوتورموش‌دو.

خوجا فزلوللاه رشیدددین اؤزونه کؤمک اوچون خوجا علی شاهی وزیرلیک مقامینا گتیرمیش‌دی. علی شاه وزیرلیک مقامینا گتیرمیش‌دی. علی شاه ایسه گلدیی گون‌دن فزلوللاه رشیدددین اطرافین‌دا تور هؤرور، هر واسطه ایله اونو هؤکمدارین

گؤزون‌دن سالماق ایستییردی. حتی دانیشیردیلار کی، رشیدددینین آرادان گؤتورولمه‌سی نیتی ایله نزیر دئمیش، مککه‌یه بؤیوک، قیزیل زنجیرلی هماییل گؤندرمیش‌دیر.

وزیرلر آراسین‌داکی گیزلی دؤیوش گیزلی قالمامیش، سارای جبهه‌یه آیریلمیش‌دی. امیر چوبان فزلوللاه رشیدددینین طرفینی توتموش‌دو.

کئچه‌ن ایل علی شاه گوج‌لو چیخمیش‌دی، جاوان شاهی اؤز طرفینه چکین، ایناندیرمیش‌دی کی، فزلوللاه اونون آتاسی اولجایتو خودابه‌ن‌دنی موالیجه ائتمک اوزینه، زهرله‌ییب اؤلدوروب. شاه بونا اینانمیش‌دی و کئچه‌ن ایل سک‌سه‌ن یاشینی اؤتموش داهی سیاست‌چی و عالیمی آبخاردا اعدام ائتدیرمیش‌دی. ایندی علی شاه تکباشینا وزیرلیک ائدیر و امیر چوبان دا رقیبینین طرفین‌ده اولدوغونو یاخشی بیلیردی. بلکه بو سوی-قصدده اونون دا بارماغی واردی.

داوامی وار