یوخاری

تبریز ناموسو-تاریخی رومان-۲۸-جی بؤلوم

آنا صحیفه کولت
12 Punto 14 Punto 16 Punto 18 Punto

اولی بورادا

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

- هازیردی، باشینا دؤنوم، - دئیه بیر قادین او طرف‌دن سسله‌ن‌دی. اورتایا سالینمیش قلمکار سوفره‌یه ایچری‌سین‌ده اوو سهنه‌لرینین شک‌لی چکیلمیش شیرلی قابلار قوی‌دولار. سونرا بیر قالاق تزه‌جه سولانمیش، دؤنوب مخمر کیمی اولموش لاواش گتیردیلر. همین لاواشین قوروسو دا واردی کی، اونو دا اللری ایله اووخالادیلار. لاواش اووخالانان‌دا نازیک بوزو قیریرمیشلار کیمی سس وئریردی.

آرزومان کوفته‌سینین سویونو اولجه قورو لاواشین اوستونه تؤکوب یئمه‌یه باشلادیلار. بون‌دان سونرا خیدمت‌چی ایری بیر سینی‌ده آرزومان کوفته‌سینین اؤزونو گتیردی. بو، نهنگ بیر کوفته ایدی. بلکه ده بوتؤو بیر قوچون اتین‌دن بیشیریلمیش‌دی. امیر چوبان اؤزو خنجرله کوفته‌نی یاری بؤل‌دو. اوتاغا ادوییه اتری ایله برابر بوخار دا دول‌دو. بوخار چکیله‌ن‌ده کوفته‌نین ایچری‌سین‌دن چیخان بوتپو بیشمیش تویوق گؤرون‌دو.

شام یئمیینه ناخچیوان حاکمینی ده دعوت ائلمیش‌دیلر. اما، ندن‌سه، گلیب چیخمامیش‌دی. بو مسئله ده شوبهه‌لی گؤرونموش‌دو.
«دئمک، ناخچیوان حاکمی ده سوی-قصدچیلرین طرفین‌ده‌دی. اوندا بیز تله‌یه سالینمیشیق. بو دا منیم یئرلیلریم. بو دا منیم وطنیم».
بیردن او چئچه‌له بارماغینی دیشلرینین آراسین‌دا قویوب، سیخ‌دی. هه ، بیلدیم، آخی، بو حاکمین بیر علی سارای‌دا، او بیری‌سی اؤزگه‌سینین اتیین‌ده‌دی. او کی، روکینددین ساینین قوهومو و اوشاق‌لیق یولداشی‌دی. روکینددین اؤزو فارس اولسا دا، ناخچیوان‌دا بؤیوموش‌دو. اونون باباسی زینل مولک هله چینگیز خان واختین‌دا خارزمشاهین اوردو بیتیک‌چی‌سی اولموش‌دو. دئمه‌لی، اوندا روکینددینین ده بو سوی-قصدده علی وار. دئمک، ناخچیوانین حاکمینین علین‌ده اولان قوشونلار دا اونلارین طرفینی ساخلایاجاق. یاخشی، بس اوندا حسین کیشی‌دن منیم ائوی‌می نیه سوروشوبلار؟ بئله سهوه نیه یول وئریرلر؟ بلکه ده سوروشون ائله منی ایسته‌یه‌ن باشقا بیر آدام اولوب. آییق، دویوق سالماق ایسته‌ییب. بو، حقیقته داها چوخ اوخشاییر.

خبر گتیردیلر کی، کیم‌سه شهر قاپیلارینی باغلاتدیریب، بوتون گلیب-گئدنلری یوخلاماغی تاپشیریب. دئمک، ائوین اوستونه باسقینی هر آن گؤزله‌مک اولار.

امیر چوبان، حسین کیشی ایله آرخا هئیأته چیخ‌دی و گیزلین یولون آغزینی کس‌دی. اوغلونا دا ایشاره وئرمیش‌دی.
- یاخشی، حسین عمی، بیز گئتدیک. گؤرورسه‌ن ده، بؤیوک وظیفه‌نین ده شیرین‌لیگی بودو. ائویمیزده اوتورماغا ایمکانیمیز یوخ‌دور. هر یئرده آدامی اؤلوم گؤزلییر. یاخشی، آتلاریمیزی بورادان کئچیرمک اولماز. آتلار قال‌سین، بیز لاغیم‌دان چیخان‌دان سونرا قاراخانبی‌لییه گئدیریک. قاراخانبی‌لی قارا بیین یانینا. او، آت تاپیب بیزی تبریزه گؤندرر.

اول امیر چوبان، سونرا ایسه اوغلو لاغیما گیریب، یوخ اولدولار. حسین کیشی ده اونلاردان خئی‌لی سونرا لاغیما دوشوب، ایزینی ایتیرمک اوچون آغزینی قاپادی.

قالا قاپیلارینین اوستون‌ده مشللر یانیر، کئشیک‌چیلر گؤرونوردو. نئچه ایللردی کی، بئله شئی اولمامیش‌دی.
حسین کیشی ده گئری قاییتمادی. آرتیق یوخری‌دان سس-کوی، اونوانینا سؤیوش ائشیدیلیردی. او بو واخت یول توتوب، کولتپه‌یه طرف گئدیردی.

امیر چوبانا خان چوبان دئییردیلر. سارای‌دا ایسه بو لقبی ساخلایا بیلمزدی. چونکی مونقول هؤکمدارلارینین اؤزلری ده ائله خان لقبی داشیییردیلار. هولاکی خان، آرقون خان، آباقا خان، قازان خان. نئچه دفعه ایلان زهری کیمی آجی دیللر ناخچیوان‌دان تبریزه قدر گلمیش، اونو هؤکمدار گؤزون‌دن ساقلماق اوچون ائلده اؤزونه «خان» دئدیینی پیچیلدامیش‌دیلار. ایشاره ده وورموش‌دولار کی، بس چوبانین گؤزو تاخت-تاج‌دادی، علینه ایمکان دوش‌سه، فورصتی الده‌ن وئرمه‌یه‌جک. اونون اوستون‌دن گؤز گؤتورمیین.

داوامی وار

تاریخ
2020.02.20 / 18:12
مولف
فرمان کریم‌زاده
شرح لر
دیگر خبرلر

«چؤرک پولو»نا گؤره اؤزونه قصد ائد‌ن دراماتورگ: آخونداو…

گنجه‌لی قیزین سون دنیا تورو: باکییا نیه گلمیر؟

مشهور برند آدلاری: بئله یارانیب...

آمازونلارین آذربایجان‌دا موجودلوغونون داها بیر ثبوتو-فوتو

دونیانین ان غریبه موزه‌لری…

آناسینین «فریده»-سی، صحنه‌میزین نرمینه‌سی…

گونئی آذربایجان‌دا ملی رقصیمیز نماییش ائتدیریلدی - ویدئو

بو گون بین‌الخالق تئاتر گونودور

تاختا پارچاسی ۷۱۹ مین دلارا ساتیلدی

عرق، سرروز و سون رول - سمندر رضایئوین عمور یولو

خبر خطّی
Axar.az'da reklam Bağla
Reklam
Bize yazin Bağla