یوخاری

تبریز ناموسو-تاریخی رومان-۲۷-جی بؤلوم

آنا صحیفه ادبیات
12 Punto 14 Punto 16 Punto 18 Punto

کولت. آذ آذربایجانین گؤرکه‌م‌لی یازی‌چی‌سی فرمان کریمزادنین " تبریز ناموسو" آدلی تاریخی رومانینی تقدیم ائدیر:

کؤچور‌ن آینوره مممدووا

اولی بورادا

آ اوغول، خوش گلمیسن. منیم بو قوجا جانیم سنه قربان.

امیر چوبان دا اونو قوجاقلادی:

آی عمی، نئجه سن؟ گورورم یئنه زحمت چکیرسن. نه اولوب، شکر. وار- دولت باشیمیزدان آشیب، سن ده باغبانچیلیغیندان ال چکمیرسن.
ائله دئمه،اوغول، آللاهین آجیغینا گئدر. ان بویوک وار-دولت او تورپاقدی. اوردان آیریلان گون اوره ییم پارتلار. یاخشی، بونلار اوز یئرینده. منه دئ گوروم، دوستون چوخدو، دشمنین؟

آی عمی، بو وظیفه ائله بیر شئیدی کی، اوردا دوستون دا دونوب سنه دشمن اولور. ان یاخشی دوستوم ائله سنسن.
یوخ، زارافات ائله میرم.

نئجه؟ امیر چوبان اونون ایهامینی دویدو.

بایاق شهردن کناردا منه بیر دیزمیراقلی، ائه، دیلیم ده توتمور، میزراخلی، قیلینجلی، قالخانلی یاناشیب، سنین ائوینی سوروشدو. او طرفده ده یولداشلاری واردی. گوزومه بئله بیرتهر دیدیلر ائی!

حسین کیشی فیکیر وئریب گوردو کی، قوهومو یاشلاشیب. ساچلارینا دن دوشوب.

امیر چوبان آریق، اوجا بوی آدام ایدی. کناردان باخان اونا پهلوان دئیه بیلمزدی. اما کوک اولمایان قوللاریندا محکم عضله لری، قیرغی گوزونه اوخشایان گوزلرینده قطعیت و عاغیل واردی.

ایندی حسین کیشینین سوزوندن سونرا چوخ جدیلشمیشدی...

*****
قیزیل اوردا حکمداری اؤزبک دربندی کئچیب ، آذربایجانا سوخولموشدو.

قا رشی سیندا دابانان امیرلر دؤیوش ده قورخاقلیق گؤستردیکلریندن امیر چوبان، اؤزبهیین اوردولارینی قؤواندان سونرا اونلا را محکمه قوزموشدو. بیر چوخ امیرلری، اوجمله دن قورموش ابن علی نقی نی ده بیر چوخ امتیازلا ردان محروم ائتمیش، فراری لرین بؤیرک بیر د سته سینی دارا چکد یر میشدی. اوردو تبریزه دؤننده او، اوغلونو دا یا نینا آلیب، چوخ کیچیک بیر محا فظه دسته سیله جولفا د ان ناخچیوانا
گلمیش، بیر گئجه ده اولسا، آتا یوردوندا کئچیرمک ایسته میشدی.

او، بیلیردی کی، امیر قورموش چوخ کین لی آدام دیر. بوجزا اونون منلییینه توخونوب. ایندی سوء قصدچی لر گؤندریب، اوندان انتقام آلماق ایسته ییر. حسین کیشی دوز فیکیرلشیب. بو، اونلا رین ایشی اولا جاق.

«نئجه ائده سن ؟ - امیر دوشونورد و: - وطن الدن گئدیر. دشمن باسقین ائله ییب، اکینلری آیاقلاییر، باغ لاری کورلاییر، کند و شهرلری سویور، آدام لا ری توتوب اسیر آپاریر. بئله سرکرده لر ده، جانلارینی اسیرگه ییب، دؤیوشه گیرمکدن قورخورلار. جزا داوئرنده قصا ص آلماق ایسته ییرلر. بئله لرینده شخصسی انتقام حشی وطن غیرتیندن گوجلودور».

حسین کیشی دیللندی: - آی قارداش اوغلو، جماعت ناراضیدی.

- نه دن ؟

- سن دن.

- من نن نییه ؟

- دئییرلر بو ایلخانی اردی، بونلاردا ناموس – غیرت آدلی شئی یوخدو. دوز دئییر لر؟

امیر چوبان حسّ ائله دی کی، چوخ دتنیشما غا واخت یوخدو. آمّا، عمی سی نین سؤزونه جاواب وئرمه یی لا زیم بیلدی.

- عمی، جماعت بیزدن بؤیوکدو. خالق هرشئی دن اولودو. سن اونون دئدییینه باخ. منیم جاوابیم سنی قانع ائتمز.

- آ خی، سن منیم قا رداشیم اوغلوسان.

- من سنه سؤز دندیم ده.

حسین کیشی حسّ ائله دی کی، قارداشی اوغلوآتا ائوینده راحاتلیق لا اوتورا بیلمیر. یاواشجا دئدی:

- قورخما، هر ایشین تدبیرینی گؤرموشم. حسین کیشی دوغرودان دا تدبیر گؤرموشدو. او، سو قویوسو آدی ایله آرخا حیط ده لا غیم آتدیراراق، آپاریب ناخچیوان چایی نین هوندور ساحلینده کی کوللوق دان باییرا یول چیخار میشدی. دئمیشدی : «نه بیلمک اولار، ساخلا سامانی، گلر زامانی». ایندی سامانین زامانی گلمیشدی.

امیر چوبان آرخایینچی لیق لا دیللندی:

- بس هانی آرزومان کوفته سی؟

- حا ضیردی، با شینا د ؤنوم – دئیه بیر قادین اوطرفدن سلندی.

داوامی وار

تاریخ
2020.02.19 / 18:31
مولف
فرمان کریم‌زاده
شرح لر
دیگر خبرلر

آزادلیق، آتامین منه وئردیی دوز چؤرکدی... - قاسمی

پوشکینین دوئله چاغیردیغی مشهورلار: عمی‌سی، دوستو، همکاری، ناظر...

آدامی بیر باخیش دا چؤکدوره بیلر- شعیر

چئریلر بیری ایکی گؤرور؟ - تبریز لطیفه‌سی

سن گئتدین، ائله بیل دونیا بوشالدی-شعیر

«قرنفیل شهید قانی، آغلا قرنفیل آغلا «– مممد آسلان

نه گؤزل سوزولور قارا گؤزلرین... - شعر

چوخ ایسته‌میشدی قاشلارینی اوینادیب اونو اله سالا، سونرا دا -حکایه

روحوم او تایدادیر، قبریم بو تایدا- شعیر

اوشاق ادبیاتی: الیفبا کیتابینی آچدی بالاجا اسد - شعر

خبر خطّی
Axar.az'da reklam Bağla
Reklam
Bize yazin Bağla