روسییانین مشهور شاعری آلکساندر پوشکین ۳۷ یاشین‌دا دوئل‌ده فاجعه‌لی شکیلده هلاک اولوب. اما تاریخی منبع‌لره باخدیقدا شاعرین جدی دوئل هوسکاری اولدوغو اوزه چیخیر. بئله کی، قیسا عمرو عرضین‌ده اونون آدی ۲۹ دوئل‌ده حال‌لانیر. همین دوئللردن یالنیز ۵-ی باش توتوب.

Kult.az پوشکینین ان مشهور دوئللری و بو دوئللرین باش وئرمه سببلری باره‌ده قیسا یازینی تقدیم ائدیر:

۱۸۱۶-جی ایل. پوشکین عمی‌سی پاوئل هانیبالی دوئله چاغیردی.

سبب: پاوئل گنج خانیم لوشاکووانی بالدا گنج ۱۷ یاشلی پوشکینله رقص زامانی اوندان آییراراق اؤزو رقص ائدیب.

نتیجه: دوئل لغو ائدیلدی.

۱۸۱۷-جی ایل. پوشکین دوستو پیوتر کاورینی دوئله چاغیردی.

سبب: کاوئرینین پوشکین حاق‌دا زارافاتیانا شعرلری ایدی.

نتیجه: دوئل لغو ائدیلدی.

۱۸۱۹-جو ایل. پوشکین شاعر کوندراتی ریلیوی دوئله چاغیریب.

سبب: ریلیو سوسیال سالون‌دا پوشکین حاقین‌دا زارافاتلار ائدیب.

نتیجه: دوئل لغو ائدیلدی.

۱۸۱۹-جو ایل. پوشکینی دوستو ویلهلم کوشلبهر دوئله چاغیریب.

سبب: کوشلبهر حاقین‌دا یوموریستیک شعرلر، یعنی "کوشلبهر و خسته‌لندیریجی" آدلی پارچا اوخویوب.

نتیجه: ویلهلم آلئکساندرا آتش آچدی، لاکین آلکساندر سرگیئویچ ویلهلمه آتش آچمادی.

۱۸۱۹-جو ایل. پوشکین عدلیه ناظیرلیینین امکداشی مودست کورفو دوئله چاغیریب.

سبب: پوشکینین خیدمتچی‌سی سرخوش بیلیارد اویونچولارینی اینجیتدی...

۱۸۲۲-جی ایل. پولکوونیک-لئیتئنانت سئمیون ایستاروو پوشکینی دوئله چاغیریب.

سبب: هر ایکی‌سینین قومارلا مشغول اولدوغو کازینوداموباهی‌سه ائتمه‌سی اولوب.

نتیجه: دوئل‌ده هر ایکی‌سی ده آتش آچسالار دا، اما ایکی‌سی ده هدفی وورا بیلمه‌ییب.

۱۸۲۲-جی ایل. پوشکین ۶۵ یاشلی دولت مشاویری ایوان لانووو دوئله چاغیریب.

سبب: بایرام یئمیی زامانی مباحثه.

نتیجه: دوئل لغو ائدیلدی.

۱۸۲۲-جی ایل. پوشکین مولدووادا قالدیغی ائوین صاحبی مولدووالی زادگان تودور بالشی دوئله چاغیریب.

سبب: بالشین آروادی مارییانین بیر سوالینا پوشکینین کیفایت قدر نزاکتله جواب وئرمه‌مه‌سی اولوب. اونلار بیر-بیرینه آتش آچسالار دا، ایکسی ده ساغ قالیب.

۱۸۲۲-جی ایل. پوشکین سوئرین پوتوچکینی دوئله چاغیریر.

سبب: تحکیم‌چیلیک حقوق حاقیندا نهار سفره‌سینده یارانان مباحثه اولوب.

نتیجه: دوئل لغو ائدیلدی.

۱۸۲۲-جی ایل. پوشکینی هئیت کاپیتانی روتکووسکی دوئله چاغیردی.

سبب: آلکساندر سرگیویچ ۳ کیلوگرام آغیرلیغیندا دولو اولا بیلجیینه اینانماییب و بونون ممکن‌لویونه اینانان ایستعفادا اولان کاپیتانا گولوب.

نتیجه: دوئل لغو ائدیلدی.

۱۸۲۶-جی ایل. پوشکین ریفاه اتفاقینین رهبرلرین‌دن بیری، شیمال جمعیتینین عضوو نیکولای تورگئنئوی دوئله چاغیریب.

سبب: تورگئنئو شاعرین شئیرلرینی، خصوصاً ده ائپیقراملارینی پیسله‌ییب.

نتیجه: دوئل لغو ائدیل‌دی.

۱۸۲۷-جی ایل. پوشکین آرتیلرییا ظابطی ولادیمیر سولومیرسکی طرفیندن دوئله چاغیریلدی.

سبب: پوشکینین ظابطین سوفییا آدلی خانیمینا ماراق گؤسترمه‌سی اولوب.

نتیجه: دوئل لغو ائدیلدی.

۱۸۲۸-جی ایل. پوشکین تحصیل ناظری آلکساندر قولیتسینی دوئله چاغیریب.

سبب: پوشکین ناظره جسارتلی و تنقیدی اپیگرام یازماسی اولوب.

نتیجه: دوئل لغو ائدیلدی.

۱۸۲۸-جی ایل. پوشکین سانکت-پتربورگداکی فرانسا سفیرلیینین کاتیبی لاقرنی دوئله چاغیریب.

سبب: رقص بالیندا اولان نامعلوم قیز اوستونده داوا اولوب.

نتیجه: دوئل لغو ائدیلدی.

۱۸۲۹-جو ایل. پوشکین خاریجی ایشلر ناظیرلیینین مأمورو خووستووو دوئله چاغیریب.

سبب: خووستوو پوشکینین اپیگراملاریندان، خصوصاً ده پوشکینین خووستووو دونوزلا مقایسه ائتمه‌سیندن ناراضی‌لیغینی بیلدیریب.

نتیجه: دوئل لغو ائدیلدی.

۱۸۳۶-جی ایل. پوشکین کنیاز نیکولای رپینی دوئله چاغیردی.

سبب: رپینین پوشکینین شعرلریندن ناراضی‌لیغی اولوب.

نتیجه: دوئل لغو ائدیلیر.

۱۸۳۶-جی ایل. پوشکین خاریجی ایشلر ناظیرلیینین رسمی‌سی سمیون خلوستینی دوئله چاغیریب.

سبب: خلوستین شاعرین شعرلرین‌دن ناراضی‌لیغینی بیلدیردی.

نتیجه: دوئل لغو ائدیلدی.

۱۸۳۶-جی ایل. پوشکین ولادیمیر سولوقوبو دوئله چاغیردی.

سبب: سولوقوبو شاعرین حیات یولداشی ناتالیا حاقین‌دا نالاییق ایفاده‌لر ایشلتمه‌سی اولوب.

نتیجه: دوئل لغو ائدیلدی.

۱۸۳۶-جی ایل. پوشکین فرانسیز ظابطی ژورژ دانته‌سی دوئله چاغیردی.

سبب: پوشکینین حیات یولداشینین اونو دانتسله آلداتدیغینی ادعا ائد‌ن آنونیم مکتوب اولوب.

نتیجه: ۱۸۳۷-جی ایلین یانواریندا دوئل‌ده پوشکین اؤلدورولدو.