مممد آسلانین دیللر ازبری اولان «آغلا، قرنفیل، آغلا» شعیری ۲۰ یانوار فاجعه‌سینه حصر اولونان ادبی نمونه‌لردندیر.

Kult.az خبر وئریر کی، بو میصراعلارین مؤلفی، بؤیوک سؤز آدامی، مرحوم مممد آسلان باش وئرن حادثه‌لره هم ده شاهیدلیک ائدیب.

مممد آسلانین قیزی تبریزه آسلان آتاسینین بو شعیرینین نئجه یارانماسی ایله باغلی خاطره‌لرین‌ده آتاسینین هر گون ایشه گئدیب-گلرکه‌ن علی سلاح‌لی عسگرلرله دولو اولان کوچه‌لره قرنفیللرین خالی کیمی دؤشونمه‌سیندن تأثیرلنه‌رک بو شعیری یازدیغینی دئییب.

«آغلا، قرنفیل، آغلا» شعیرین‌ده بیر پارچا وار.

جوانلارا قییدیلار،
تانکلار آلت‌دا قویدولار.
قانین ایچیب دویدولار،
آغلا، قرنفیل، آغلا!

شاعر قرنفیلی جیری پارچالانمیش اینسانلاریمیزا اوخشاداراق بو مشهور شعیری یازیب.

«آغلا، قرنفیل، آغلا» شعیری او حادثه‌دن سونرا هر کسین دیلینده ازبر اولوب و قرنفیل ده او حادثه‌لردن سونرا یاس گولونه چئوریلیب. او حادثه‌دن سونرا قرنفیل سئوگی‌لیلرین یوخ، یاس مجلیس‌لرینین گولو اولوب.

«آغلا، قرنفیل، آغلا» شعیرینی تقدیم ائدیریک:

سینه‌لر گولّه-گولّه،
قان آخیر، دؤنور گوله.
قرنفیللر آغلاییر،
دوشمه‌نه گوله-گوله.
آغلا، قرنفیل، آغلا!

قرنفیللر قوشادی،
ایکی‌سی باش-باشادی.
سیزدن قالان گونلری
قرنفیللر یاشادی.
آغلا، قرنفیل، آغلا!

قرنفیل - شهید قانی،
آغلا، قرنفیل، آغلا!
آغلا، اینلت میدانی،
آغلا، قره‌نفیل، آغلا!

جوانلارا قییدیلار،
تانکلار آلت‌دا قویدولار.
قانین ایچیب دویدولار،
آغلا، قره‌نفیل، آغلا!

هر شهیده بیر دوزوم،
آبشرون - قان دنیزیم.
سن - منیم آغلار گؤزوم،
آغلا، قرنفیل، آغلا!

اوزاق منزیل، آجی یول،
یولدو، یول، علاجی یول!
شهیدلره باجی اول؛
آغلا، قرنفیل، آغلا!

کربلا - قان چؤللره،
پوچ اولان غنچه‌لره،
نازنین اینجیلره
آغلا، قرنفیل، آغلا!

بختی آسیلان قیزا،
هنری آسلان قیزا،
تویو یاس اولان قیزا
آغلا، قرنفیل، آغلا!

آغلا، اورک بوشالسین،
اونون گؤیه باش آلسین.
آغلا، داغلار یومشالسین،
آغلا، قرنفیل، آغلا!

بو تکلنمیش شعیرلره،
بو آرخاسیز ارلره،
بو تالعسیز نرلره
آغلا، قرنفیل، آغلا!

بو گناهسیز قانلارا،
بو دیدیلمیش جانلارا،
بو جانسیز جوانلارا
آغلا، قرنفیل، آغلا!

بو بدن‌سیز قوللارا،
بو اوچونان یوللارا،
بو ییه‌سیز قوللارا
آغلا، قرنفیل، آغلا!

بو سنگیمز آغرییا،
بو قان سیزان سارغییا،
بو الله‌سیز قورغویا
آغلا، قرنفیل، آغلا!

بو قارا یازیلارا،
بو کؤرپه قوزولارا،
قورویان آرزولارا
آغلا، قرنفیل، آغلا!

خیره شر اوستون گلدی،
اینیلتیلی اون گلدی...
آغلامالی گون گلدی،
آغلا، قرنفیل، آغلا!