Kult.az جنوبی آذربایجان فولکلورونون تبریز، یئکانات و همدان اراضیلرینه عایید اولدوغو ادعا ائدیله‌ن لطیفه‌لردن بیرینی تقدیم ائدیر:

"چئریلر بیری ایکی گؤرر"

گئجه‌نین بیرینده ملانین آروادی سؤزآراسی اوندان سوروشور:

– آی کیشی، دئییرلر، چئریلر بیری ایکی گؤرور، سن بونا نه دئییرسن؟

ملا دئییر:

– واللاه، من ده بئله بیر سؤز ائشیتمیشه‌م، اما دوغروسو سینامامیشام. ایندی کی، بونو یادیما سالدین، بیزدن بیر آز یوخاری‌دا بیر چئری آدام اولور، دور، گئدک، بونو اوندان سوروشاق.

ملا ایله آروادی دوروب اؤزلریله ده بیر فانوس گؤتوروب او آدامین قاپیسینا گلیرلر. قاپینی دؤیورلر. آدام قاپییا گلیب سوروشور:
– نه ایشیز وار؟

ملا ایله آروادی بیر-بیرینه باخیب مطلبی دئمیه اوتانیرلار.

آخیردا ملا اوزونه اوز باغلاییب دئییر:

- دوغروسو، بیز ائشیتمیشیک چئریلر بیری ایکی گؤرور، گلدیک سوروشاق کی، بو سؤز دوزدی، یا یوخ؟»

او آدام دئییر: «عقلیزه دعا یازیم، گئجه‌نین بو وقتی دؤرد-دؤرد آدام، ایکی-ایکی فانوس گلیبلر گؤرسونلر چئری بیری ایکی گؤرر، یا یوخ؟»