آنا صحیفه کولت |
( 2007_1922)
آمریکانین تانینمیش و گوجلو یازیچیسی کورت ونه گات، چوخلو اؤیکولری، و رومانلاری ایله تانینمیشدیر.
14 رومانی، چوخلو اؤیکو، فیلم سئناریسی، مقالهلری وار.
رومانلاریندا، بیلیمقورقو( علمی تخیلی) ، فلسفه و طنزه چوخ یئر وئرن یازیچینین ان چوخ سئویلن رومانی ( ساللاق خانا - 5 ) (سلاخ خانه شماره۵) دی.
دونیانین بیر نئچه بؤیوک یازیچیلاری کورت ونهگاتین کیتابلاریندان ائتگیلهنیبلر( هاروکی موراکامی، پل استر و ...)
کورت ونه گاتدان اؤیکو یازانلار اوچون 8 اؤنملی تاپشیریق:
1- زامانی قوللانیرکن، متنه قیراغدان باخان بیرینین گؤزلوکلرینی تاخ، اوخویورکن کیمسه واختینی کورلادیغینی دوشونمهسین.
2- اوخوجویا دَریندن باغلانا بیلهجهیی، ان آزی بیر کاراکتئر وئر
3-هر کاراکتئرین آرزو ائتدیگی بیر شئی اولمالیدیر؛ بو بیر بارداق سو بئله اولا بیلر!
4- یازدیغین هر جمله، کاراکتئری تانیتماق، یا دا اولایاؤرگوسونو گلیشتیرمک اوچون اولمالیدیر.
5- مومکون اولدوقجا، متنین سونونا یاخین بیر یئردن یازماغا باشلا.
6- کاراکتئرلرینه قارشی "سادیست" اول.
اونلار نه قدر معصوم و ایستهمهلی اولسالار دا، باشلارینا قورخونج شئیلر گتیر، اوخوجو اونلارین اصلینده کیم اولدوقلارینی گؤره بیلسین.
7- تکجه بیر کیشی اوچون یاز؛ پئنجرهنی آچیب بوتون دونیایا سئوگی گؤسترمک ایستهسن، اؤیکونه سویوق دهیر!
8- اوخوجویا وئرهجهیین بیلگیلری، مومکون اولسا تئز وئر. ماراق دویغوسو، قوی جهنم اولسون! اوخوجولار اؤیکوده نهلرین اولدوغونو، بونلارین هاردا و ندن یاشاندیغینی بوتونویله آنلامالیدیر، حتی حامام بؤجکلری سون بیر نئچه صحیفهنی گمیرسه بئله اؤیکونون سونونو تخمین ائده بیلمهلیدیر!
تاریخ
2020.03.25 / 12:00
|
مولف
Axar.az
|