۶-جی حیسه

اولی بورادا

صفوی سارایی او دؤورده اصل شئیر-صنعت اوجاغی ایدی. ملیک-اششورالیق (شاعرلر پادشاهی) رس‌می وظیفه کیمی تصدیق ائدیلمیش‌دی.

شاه ایسماییل اؤولادلاری و صفوی سولاله‌سینین سونراکی شاهلاری، او جمله‌دن شاه سولئیمان و شاه سلطان حسین زامانین‌دا آذربایجان شئیرینه خصوصی قایغی مؤوجود ایدی. همین دؤورده صفوی سارایینین ملیک-اش-شوراسی اولان تأثیر تبریزینین دیوانین‌دا تورکجه قزللردن باشقا تورکجه قسی‌ده و مسنوی ده وار ایدی… بو دؤورون تسکیره‌لرین‌ده تورکجه یازان بیر چوخ شاعرلرین آدی چکیلیر.

اونلارین اصفهان‌دا بئله آذربایجان تورکجه‌سین‌ده شئیر یازمالاری و دیلیمیزه خصوصی قایغی‌سی دقتی
جلب ائدیر.

آذربایجانین بؤیوک هؤکمداری شاه ایسماییلین دؤورون‌ده آذربایجان تورکجه‌سینین اهمیتی قات-قات آرت‌دی و حتی صفوی سارایینا گلن آوروپالی سییاهلار دیلیمیزین قرامماتیکاسی، لوغت ترکیبی و س. حاقین‌دا چوخ‌لو کیتابلار یازماغا باشلادیلار.

«XVI عصرده شاه ایسماییل ختاینین باش‌چی‌لیق ائتدیی صفویلر دؤولتی زامانین‌دان باشلایاراق آذربایجان دیلینین مؤوقئیی، نفوذ دایره‌سی داها دا گئنیشله‌ن‌دی، آذربایجان ادبی دیلی دؤولت ایداره‌لرین‌ده، سارای‌دا، حربی حیسه‌لرده ایشله‌نه‌ن رس‌می دیللر سیراسین‌دا یئر توت‌دو، او زامان ایسلامیتین دیلی ساییلان عرب دیلی و بدیعی ایفاده واسطه‌چی‌سی کیمی مودالاشمیش فارس دیلی ایله یاناشی ایشله‌نه‌ن بیر دیل حقوقو قازانمیش اولدو. بونا گؤره ده مدره‌سه‌لرده عرب، فارس دیللریله یاناشی آذربایجان دیلین‌ده ده تدریس ایشلری آپاریلیردی».

بو دؤورده اؤلکه‌ده آذربایجان تورکجه‌سینین اهمیتینی صفوی سارایین‌دا اولموش آوروپا سییاهلارینین اثرلرین‌ده ده گؤروروک. صفوی دؤولتینین پایتاختی فارس شهری اولان اصفهانا کؤچورولدوک‌دن سونرا دا آذربایجان تورکجه‌سینین بورادا نئجه بؤیوک نفوذا مالیک اولدوغو آیدین هیسس اولونور. آلمان سییاهی ائنگئلت کئمپفئر ۱۷-جی یوزیل‌لیک‌ده صفوی سارایین‌دا اولموش، تورک دیلینین اهمیتینی تصدیق ائتمیش و بیلدیرمیش‌دیر کی، تورک دیلی سارایا چوخ‌دان نفوذ ائتمیش، وظیفه صاحبلری بو دیل‌ده دانیشماغی اؤزلرینه بورج بیلیرلر. هر بیر مشهور و شخصیت‌لی آدامین تورکجه بیلمه‌مه‌سی گئرچک‌دن اوتانج دوغوران مسئله ساییلیردی.

آردی وار...