علاقه‌دار دولت قوروملاری، او جمله‌دن مدنی ارث تشکیلاتی و تحصیل ناظرلیی‌نین لاقیدلییی سببیندن تبریزین قدیم باغمشه محله‌سینده یئرلشن تاریخی "کلانتر ائوی" داغیلماق اوزره‌دیر.

Axar.az خبر وئریر کی، بو باره‌ده تبریزین یئرلی مئدیاسی معلومات یاییب.

بیلدیریلیب کی، تبریزین معمارلیق نمونه‌لرین‌دن اولان "کلانتر ائوی"نین برپاسی و قورونماسی باره‌ده وئریلن وعدلرین هئچ بیری یئرینه یئتیریلمه‌ییب.

بیر مدت اول تبریزلی مدنیت خادملری آدی چکیلن عابده‌نین برپاسی ایله امضا کامپانییاسی باشلادیب و تبریز شهرداری یعقوب هوشیارا مراجعت عنوانلاییبلار.

بوندان سونرا شهردار و مدنی ارث تشکیلاتی آبده‌نین برپا اولوناجاغی باره‌ده وعدلر وئرسه‌لر ده، بو گونه کیمی هئچ بیر آددیم آتیلماییب.

۱۸۹۲-جی ایلده انشا ائدیلن کلانتر ائوینین ۱۸ آوگوست ۲۰۰۳-جو ایلده ۹۷۱۲ قیدیات نمره‌سی ایله ایران ملی اثرلر سیاهیسینا سالینماسینا باخمایاراق، عابده‌نین برپاسی اوچون هئچ بیر ایش گؤرولمه‌ییب.

تبریزده قاجارلار دورونون نادر معمارلیق نمونه‌لرین‌دن اولان عابده جدی خسارتلر آلیب حاضردا نارکومانلارین ییغیناق یئرلریندن بیرینه چئوریلیب.