من ایلک اولاراق، کمال عبداللهنین حکایه‌سینی تئندنسییا کیمی یوکسک قیمتلندیریرم. او، همیشه اؤز متنی واسطه‌سی ایله آزاد و یئنی دوشونجه‌لی گنج‌لیکله دیالوق قورماغا چالیشیب.

بو سؤزلری یازیچی شریف آغایار کمال عبداللهنین مرحوم یازار مؤولود مؤولودا حصر ائتدیی "ائپیلوق" حکایه‌سی ایله باغلی دوشونجه‌لرینی بؤلوشرکه‌ن دئییب.

"یادینیزدادیرسا، «دوما ایله جویس آراسیندا» آدلی اسه‌لر کیتابین‌دا دا خیتاب ائتدیی قله‌م آداملارینین اکثری یئنی نسیل‌دن ایدی. هم ده او ایمضالار کی، بیر آز خور گؤرولموش، بیر آز دیشلانمیش‌دی. بو حکایه ده بوتون آغریلی-آجی‌سی ایله بیر یئرده یئنی نسلین ایستعدادلی بیر نماینده‌سینه، تأسف کی، ایندی آرامیزدا اولمایان مؤولود مؤولودا حصر اولونوب. اتحاف یوخ، حصر. بونلار، طبیعی کی، فرق‌لی شئیلردیر. مثلاً، بیر نئچه گون اؤنجه تندنسییا کیمی آلقیشلادیغیم داها بیر حکایه آرامیزدان واخت‌سیز گئدن باشقا بیر دوستوموزا – ایکینجی محمودا اتحاف اولونموشدو. اکر‌م ایلیسلینین حکایه‌سی حسرت و هیجرانلا، آغری و خاطره ایله دولو اولسا دا مؤوضوعسو باشقا ایدی. کمال معلمین حکایه‌سین‌ده ایسه مؤولودون اؤزو وار. اونون تنهالیغی، حساس‌لیغی و چیخیلمازلیغی یازیچینین اؤزونه خاص اصلوب‌دا – متلبی آلت قات‌دا گیزله‌یه‌رک و سطیرآلتی مئساژلار اؤتوره‌رک قلمه آلینیب. مؤولود دوغرودان دا ۱۷-جی مرتبه‌دن شهره باخسا، ایلک نؤوبه‌ده اونون گؤزللیینی دویاردی، آشاغی باخسا، باشی گیجللنردی، حتی قورخوب گئری چکیلردی. مؤولود دوغرودان دا دوستلوغون، سئوگینین، صمیمیتین قوخوسونو حس ائدیردی. مؤولود دوغرودان دا ائوده اونو کیمینسه گؤزله‌مه‌سینی ایستییردی. اما مناسیبتلرین قوخوسونو حس ائتمک، ۱۷-جی مرتبه‌دن آشاغی باخان‌دا قورخماق و اینسانلاری سئومکله دئییل کی! بعضا تالع دویدوقلارین‌دان و ایستدیکلرین‌دن فرق‌لی سورپریزلر بخش ائدیر سنه. حکایه ده داها چوخ بو حاق‌دادیر. اومیدوارام کی، مؤولودو ادبیات تاریخینه اؤزونون بیر نئچه ییغجام حکایه‌سی و اونا حصر ائدیله‌ن شئیرلرله یاناشی هم ده بو حکایه باغلایاجاق. واراقلارداسا، کیتابلارداسا یاشاماق دا بیر تسکین‌لیکدیر بیزه. ان اؤنملی‌سی، بیزیم – مؤولودا یاش باخیمین‌دا داها یاخین اولان دوستلارین یازا بیلمدیینی کمال عبدالله یازدی"، - او بیلدیریب.