Axar.az
یوخاری
6 اییول 2020


"سهو دوشنده یئریمیز" شعیری نئجه یازیلدی؟

آنا صحیفه کولت
12 Punto 14 Punto 16 Punto 18 Punto

کولت. آذ قابیلین صنعت شئدئوری اولان "سهو دوشنده یئریمیز" شعیرینین یارانماسی حاق‌دا اوغلو ماهیر قابیلوغلونون یازی‌سینی تقدیم ائدیر:

صنعتکارین و اونون اثرلرینین تالعیی غریبه‌دیر. بزه‌ن ایکی، بعضا دؤرد میصراع، بعضا بیر شعیریله یاددا قالانلار اولور، بعضیلری ایسه بوتون کلیاتی ایله تاریخه دوشورلر. ائللری ده وار کی، هئچ عمومیتله یادداشا یازیلمیرلار. مثلاً، عمادالدین نسیمینین قارداشی شاهی خن‌دان دؤورونون بؤیوک شاعری اولوب. اما اوندان بیر میصراع دا دؤوروموزه قدر ده گلیب چیخماییب. اما، چوخ قریبه ده اولسا شاماخینین مرکزین‌ده‌کی و سید عظیم شیروانینین باسدیریلدیغی شاه خندان قبیریستانلیغینین آدین‌دا قالیب آدی. آتام «نسیمی» داستانییلا فخر ائدیردی. اون ایله یازمیش‌دی اونو. ایلک شؤهرتینی، فخری آدینی دا اوندا قازانمیش‌دی. دئییردی کی، من تاریخ‌ده قال‌سام، بلکه بو اثریمله قالدیم. من ایسه دیلیمی دینج قویمایاراق، «یوخ. سنین یارادیجی‌لیق تالئیین «سهو دوشه‌ن‌ده یئریمیز» شعری‌دیر» دئییردیم.

دومان داغی دولانار،
قیامت اولار.
دومان یولا ساللانار،
مصیبت اولار.
مصیبت اولوروق بیز،
سهو دوشن‌ده یئریمیز.

۸۰ فایز راضیلاشیردی دا. چونکی ۱۹۶۹-جو ایلده یازیلان بو شعیر زامان کئچدیکجه معاصیرلشیردی. نسیللر دییشدیکجه بو گون ده جاوانلاشماق‌دا داوام ائدیر. سیز ده شاهی‌دی اولماق ایستییرسینیزسه، ساده‌جه «گووگلئ»دا «سهو دوشن‌ده یئریمیز» باش‌لیغینی آختاریشا وئرین.

عمان گمی‌سی چای‌دا
اوتورار، اوزمز!
چای گمی‌سی داغ بوی‌دا
دالغایا دؤزمز!
دؤزوم‌سوز اولوروق بیز،
سهو دوشه‌ن‌ده یئریمیز.

موغان هسرت یاغیشا،
بولودلار خسیس...
یاغیش تؤکور تالیشا
هئی-هئی گرک‌سیز...
گرک‌سیز اولوروق بیز،
سهو دوشه‌ن‌ده یئریمیز.

شاعری بو شعیری یازماغا مجبور ائد‌ن قهر‌مانی ایسه بیر مدت‌دن سونرا عمومیتله شعیردن چیخاریلیب. بیر مقاییسه ائدیم. تصور ائدین کی، توی‌دور. چالغی‌چیلار، تامادا، یئییب-ایچمک، اما بیله-گلین یوخ‌دور. شعیر مشهورلاشدیقجا بو قهرمانین یئری نینکی سهو دوشوب، حتی بنددن، میصراعلاردان سیلینیب. بلکه ده زامان کئچدیکجه قابیلین آدی دا بو شئیردن سیلینه‌جک. اما «غیرت‌سیز اولوروق بیز، سهو دوشنده یئریمیز» بئیتی آتالار سؤزو، کلام کیمی یاشایاجاق.

کوت بیچاق پاریل‌داییب،
خیرچیلتی سالیب.
قیلینج قین‌دا پاس آتیب،
قین‌دا کورشالیب...
هئیف… کورشالیریق بیز،
سهو دوشه‌ن‌ده یئریمیز.

تارین پرده‌لرینی
دوزه‌نه قوربان!
یئردییش ائت بیرینی،
خاریج وورارسان.
خاریج سس‌لنیریک بیز،
سهو دوشن‌ده یئریمیز.

سوروشاجاقسینیز کی، نیه آخی، چوخ یئرده مثال چکه‌ن‌ده «مصیبت...، دؤزوم‌سوز...، گرک‌سیز اولوروق...، خاریج سس‌لنیریک...، حیف… کورشالیریق بیز، سهو دوشه‌ن‌ده یئریمیز» بئیتلری یوخ، محض «قئیرت‌سیز اولوروق بیز، سهو دوشه‌ن‌ده یئریمیز» میصراعلارینی سسله‌ن‌دیریرلر. البته کی، بو، دوزگون سئچیم‌دیر. شئیر بو میصراعلارین اوستون‌ده یازیلیب.

قیزمار یای گونلرینین بیرین‌ده آتام سووئتسکی کوچه‌سین‌دن پیادا اوزو آشاغی هوسو هاجییئو کوچه‌سینه، ائوینه طرف دوشورموش. یول‌دا سوساییر. سو ساتیلان «بودکا»یا یاخینلاشیر. سویوق لیموناد آلیر، ایچه-ایچه گؤزونو زیللییر یئکپر، بالاجا بودکایا گوجله یئرلشه‌ن، شیشمان ساتیجی کیشییه. بوتولکالاری آچماق اوچون نظرده توتولان و اوجونا ایپ سالیب خاچ کیمی بوینون‌دان آسدیغی قاپاق آچانا. نسه ایلیشیر بو کیشییه کی، چیخارت بوینون‌دان «اوتکریوالکانی». کیشی ده چوخ نزاکتله جاواب وئریر کی، بو منیم آلتیم‌دیر، تئز-تئز ایتیریرم. اونا گؤره ده بونوم‌دان آسمیشام کی، لازیم اولان کیمی تاپیم. آتام ایسه دئدیین‌ده دورور. کیشی بو دفعه «آی اوغلان، لیمونادین پولو-زادی لازیم دئییل چیخ گئت. خاتانی اوزاق ائله من‌دن. قوی پولوموزو قازاناق»،-دئییر. آتام آیاغینی بیر باشماغا دیرییر کی، یوخ ائ چیخارتمالی‌سان «اوتکریوالکا»نی بوینون‌دان. نهایت یئکپر لیموناد ساتان گؤرور کی، دیلله مومکون اولمایاجاق… قولونون گوجونو گؤسترمک اوچون بودکادان چیخماغا مجبور اولور. و آتام تئز اورادان اوزاقلاشیر، داها دقیق دئسک آرادان چیخیر. بو سهنه اونو راحت بوراخمیر. آخی نیه بو بده‌نله، ووجودلا زاووددا، فابریک‌ده ایشله‌مه‌لی اولدوغو حال‌دا، بو کیشی لیموناد ساتمالی‌دیر؟ آخی، بو کیشی ایشی یوخ، قادین ایشی‌دیر. محض بو سهنه ده «سهو دوشه‌ن‌ده یئریمیز» شعرینی دونیایا گتیریر. بئشینجی بن‌دی ایسه لیموناد ساتانا حصر اولونور:

آغ بیلکلر، گول اللر
تارلادا قابار.
بیر قئیرت‌سیز یئکپر
لیموناد ساتار.
قئیرت‌سیز اولوروق بیز،
سهو دوشه‌ن‌ده یئریمیز.

بیر مدت‌دن سونرا ایسه «لیموناد ساتار» کلمه‌سی عمومیتله شعردن چیخاریلیر، «قیزیلگول ساتار»لا اوز اولونور.

تاریخ
2020.05.25 / 20:22
مولف
Axar.az
شرح لر
دیگر خبرلر

اوشودوم ها اوشودوم... - شعیر

ایکی مشهور قادینی اوز-اوزه قویان گونئی‌لی میلیاردر -دوسیه

آذربایجان‌لی شاعر اکبر قوشالی تلطیف اولون‌دو

داهی جلیل مممدقولوزاده‌یه نیه اؤلوم فتواسی وئریلمییشدی

قاجار ائتنونی‌می حاقین‌دا -آقافیس، آغاچری، قجرچی، قاجار...

دونیانین ان قدیم تاریخی عابده‌لریندن بیری - آیاصوفیا

توران عشقی» کیتابی تورک دیلین‌ده آذربایجان‌دا نشر اولوندو

کوروناویروسا حصر اولونان فیلم چکیلیر

شابان کنان ائوره‌نله - ۳۱ ایل اول چکیله‌ن فوتو موذاکیره یاراتدی

«اوبئر»این آذربایجان‌لی رهبری دارا خسرووشاهینین اوغور یولو

خبر خطّی
 
Axar.az'da reklam Bağla
Reklam
Bize yazin Bağla