بو گون بیرلیک‌ده ۳۰ ایللیک اشغالی سونلاندیران مهتشم و مکمل بیر ظفرین بئشینجی ایلدؤنومونو قید ائدیریک. وطن محاربه‌سینین بوتون شهیدلرینی، آذربایجانین ایگید اولادلارینی بیر داها رحمتله آنیرام. ربیم شهیدلریمیزین روحلارینی شاد، مکانلارینی انشاللاه جننت ائله‌سین.

Kult.az خبر وئریر کی، بو سؤزلری تورکییه پرزیدنتی رجب طاییب اردوغان وطن محاربه‌سین‌ده غلبه‌نین بئشینجی ایلدؤنومونه حصر اولونموش حربی پاراددا چیخیشی زامانی بیلدیریب.

او، آذربایجانین خالق شاعری محمد آرازین شعیرینی سسله‌ن‌دیره‌رک دئییب:

«محمد آراز آذربایجان تورکونون وطن عشقینی بئله سؤیله‌ییردی:

بو گون گرک
هر آنیمیز وطن! - دئسین.
قیلینجیمیز، قالخانیمیز
وطن! – دئسین.
اؤلنلرین عوضینه
قالانیمیز - وطن! - دئسین.
وطن، - دئسین!
قلبیمیزین هر دویغوسو، هر وورغوسو
وطن! - دئسین.
فرقی یوخدور، هارادا اولاق
زامانیمیز، مکانیمیز
وطن! - دئسین!

قلبلری هر سفرینده وطن دئیه دؤیونن قهرمان قاضیلریمیزه منت دویغولاریمی ایفاده ائدیر، اوجا الله اونلاردان راضی اولسون دئییرم».