حاجی زئینالابدین تاغییئودن بحث ائد‌ن «۱۰۰ ایل شرف‌لی عؤمور» سندلی فیلمی لوس-آنجئلئس‌ده «فلیجکفایر» فیلم فئستیوالین‌دا بوتون مرحله‌لری کئچه‌رک فینالا وسیقه قازانیب و بیرینجی‌لیک اوغرون‌دا موباریزه‌یه قاتیلیب. قالیبلره عمومی دیری ۱۰ مین آبش دوللاری اولان موکافات وئریله‌جک.

کولت. آذ خاتیرلادیر کی، «۱۰۰ ایل شرف‌لی عؤمور» فیلمینین سناری مؤلفی، قورولوش‌چو رژیسسورو و باش پرودوسئری جلالددین قاسیموو بیلدیریب کی، ائکران اثرینین پوستئری فئستیوالین اساس صحیفه‌سین‌ده یئرلشدیریلیب.

اونون سؤزلرینه گؤره، فیلمین چکیلمه‌سین‌ده اساس مقصد حاجی زئینالابدین تاغییئوی گئنیش جوغرافییادا تانیتماق، هم ده اونون تیمسالین‌دا اؤلکه‌میز حاقین‌دا اینسانلارا گئنیش معلوماتلار وئرمک‌دیر.

«حاجی زئینالابدین تاغییئو هارادا یاشاماسین‌دان آسی‌لی اولمایاراق سویداشلاریمیزدان کمکینی اسیرگه‌مه‌ییب، آذربایجان خالقینین معاریفله‌نمه‌سی، ایستعدادلی اینسانلارین یوکسک تحصیل آلماسی، کوتلوی ساوادسیزلیغین آرادان قالدیریلماسی، اؤلکه‌ده اقتصادیاتین هرترف‌لی اینکیشافینین تعمین اولونماسی، هابئله میللی کادرلارین حاضرلانماسی اوچون زروری تاریخی میس‌سییا حیاتا کئچیریب. هله باکی دؤولت اونیوئرسیتئتین‌ده اوخودوغوم ایللردن باشلایاراق، بو گؤرکه‌م‌لی ساهیبکار و خئیرییه‌چی حاقین‌دا چوخ‌لو معلوماتلار الده ائتمیشدیم، بیر سؤزله، اونونلا باغلی چاپ اولونان بوتون ماتئریاللاری ییغمیشدیم. اما آغلیما دا گلمزدی کی، نه واخت‌سا بو سندلر، کیتابلار، فوتوشکیللر منیم سندلی فیلمیمین قهره‌مانینا چئوریله‌جک»، -دئیه جلالددین قاسیموو بیلدیریب.

او، ۲۰-جی عصرین اوللرین‌ده باش وئره‌ن تاریخی، سیاسی پروسئسلره، ائل‌جه ده بؤیوک خئیریچینین حیاتینین موختلیف مقاملارینا گوزگو توتان کادرلارین آلمانییا آرخیولرین‌دن الده ائدیلمه‌سینه بؤیوک زامان صرف ائتدیینی سؤیله‌ییب.

سسئناری‌سی اوزرین‌ده اوچ ایلده‌ن چوخ‌دور ایشلدیینی سؤیله‌یه‌ن ج. قاسیموو، هم طلبه‌لیک ایللرین‌ده، هم ده سونرادان الده ائتدیی معلوماتلارین اوندا امین‌لیک یاراتدیغینی وورغولاییب: «ائله بو مقصدله ۳۶ دقیقه‌لیک بدیعی-سندلی فیلم‌ده اساس کادرلارین ۳۰ فایزینی او دؤورده‌کی کؤهنه کادرلار تشکیل ائدیر. بو کادرلار آلمانییادان الده اولونوب و روسییانین سانکت-پئتئربورق شهرین‌ده یئنی‌دن جانلاندیریلیب. بوتون بونلار اساساً بئینلخالق فئستیواللار اوچون نظرده توتولوب».

سندلی فیلمین رئداکتورو اکبر قوشالی‌دیر، متنی ایسه خالق آرتیستی ائلدوست بایرام سسلندیریر.