بیرلشمیش میللتلر تشکیلاتینین علم، تحصیل و مدنیت اوزره اختصاصلاشمیش قورومو یونسکو X سوسیال شبکه‌سینده‌کی حسابیندا آذربایجانین میللی رقصی اولان «یاللی» ایله باغلی پایلاشیم ائدیب.

Axar.az خبر وئریر کی، یونسکو پایلاشیمدا «یاللی»نین قورونماسینا چاغیریش ائدیب.

«یاللی» رقصی ریتمیک آددیملاری و رنگارنگ کوستیوملاری ایله آذربایجان جانلی ارثینین ماهیتینی تجسم ائتدیریر. «یاللی» ۲۰۱۸-جی ایلده تعجیلی قورونما سیاهی‌سینا داخل اولونوب. بیز بو عنعنه‌نی بیرلیکده قورومالیییق»، - اونسکو-نون پایلاشیمیندا دئییلیر.

قئید ائدک کی، «یاللی» آذربایجانین ان قدیم رقص نؤولریندن بیریدیر. "یاللی («کؤچری»، «تنزره»)، «ناخچیوانین عنعنه‌وی گروپ رقصلری" ۲۰۱۸-جی ایلین ۲۶ نویابر – ۱ دکابریندا ماوریکی رسپوبلیکاسینین پایتاختی پورت-لویس شهرینده یونسکو-نون غیرمادی مدنی ارثین قورونماسی اوزره حکومتلرآراسی کمیته‌سینین ۱۳-جو سسییاسیندا قبول ائدیلمیش قرارلا تعجیلی قورونما سیاهی‌سینا سالینیب.