«آرازین او تایین‌دا» تام متراژلی پوبلیسیستیک فیلم ۱۹۴۵-۱۹۴۶-جی ایللرده گونئی آذربایجان‌دا باش وئرن حادثه‌لری اکراندا جانلاندیریر.

Kult.az خبر وئریر کی، تام متراژلی سندلی فیلم رژیسور اسفیر شوب طرفیندن ۱۹۴۷-جی ایلده چکیلیب، باکی کینوستودییاسین‌دا ایستحصال ائدیلیب.

فیلمده گونئی آذربایجان‌دا مختلیف ایللرده چکیلمیش زنگین کینوماتئریاللاردان ایستیفاده اولونوب.

فیلم بورادا خالقین اؤز آزادلیق و مستقیل‌لییی اوغروندا آپاردیغی مباریزه‌نی، اؤلکه‌ده گئدن دموکراتیک حرکاتی ترنم ائدیر. فیلم‌ده اؤز خالقینا قلبه‌ن باغلی اولان آداملار - شیخ خیابانی، ستار خان، باغیر خان، پیشه‌وری، غلام یحیی و باشقالاری حاقیندا صحبت آچیلیر.

چوخ حادثه‌لرین شاهیدی اولان آراز چایی، باشی قارلی ساوالان داغی، چیچکله‌یه‌ن میوه باغلاری، تاریخی معمارلیق عابده‌لری، میللی-آزادلیق حرکاتی دؤیوشچولرینین قرارگاهینا چئوریلمیش اوزاق داغ یئرلری، قایا اوستو تصویرلر گونئی آذربایجانین کولوریتلی اوبرازینی یارادیر.

فیلمی مونتاژ ائتمک اوچون اوپراتور مختار داداشوو او واخت مشهور مونتاژچی و رئژیسسور اولان اسفیر شوبو دعوت ائدیب. اسفیر شوب ایران‌دا چکیلیشلرده اشتراک ائتمه‌ییب، یالنیز چکیلمیش ماتریاللارا قورولوش وئرمیش‌دی. سونرالار اسفیر شوب تیترلرده رژیسور اولاراق مختار داداشووون دا آدینین یازیلماسینی تکلیف ائتسه ده، داداشوو ایمتینا ائدیب.