شرقی آذربایجان ایالتینین مرند شهری یاخینلیغیندا یئرلشن یالدور قالاسی برپا ائدیلمه‌دیی اوچون تمامیله محو اولماق اوزره‌دیر.

Kult.az خبر وئریر کی، بو باره‌ده گونئیلی مدنی فعاللار پایلاشیم ائدیب.

میلادان اول ۱-جی مین‌ایللییه عاید اولان قالانین بیر چوخ یئرینده تاریخی اثر قاچاقمالچیلاری قانونسوز قازینتی آپاراراق، عابیده‌نین داغیلماسینا سبب اولوبلار.

اوتن ایلین دکابر آیی‌نین ۴-ده ایرانین کئچمیش مدنی ارث، توریزم و ال ایشلری ناظری عزتوللاه ضرغامی یالدور قالاسیندا اولوب و عابیدنین وضعیتی ایله ماراقلانیب.

ناظر تاریخی عابیدنین آجیناجاقلی دورومدا اولدوغونو دئسه ده، باشچیلیق ائتدیی قورومون عابیده‌نی برپا ائتمک اوچون بودجه‌سینین اولمادیغینی ادعا ائدیب.

ناظرین قالاداکی چیخیشی مدنیت خادیملری و سوسیال مئدیانین آذربایجانلی استفاده‌چیلری طرفیندن اعتراض ایله قارشیلانیب.

آذربایجانلیلار ناظری مسئولیتینی یئرینه یئتیرمه‌مکده و آذربایجان تاریخینه، اثرلرینه لاقید مناسیبت بسله‌مکده گناهلاندیریبلار.

او گوندن بویانا تخمینا بیر ایل عرضینده مدنی فعاللار قالانین برپاسی ایله باغلی یئنی‌دن بیر نئچه دفعه مراجعت ائتسه‌لرده تاریخی اثرین قورونماسی ایله باغلی هئچ بیر آددیم آتیلماییب.

تاریخچیلرین دئدیینه گوره، یالدور قالاسی آسورییا کرالی ۲-جی سارگونون هجومو نتیجه‌سینده داغیلیب. روسییالی شرقشناس ولادیمیر مینورسکی اورادا یئرلشن مانداگارنا آتشگاهی‌نین دا اورارتو دؤورونده گیل کرپیجدن تیکیلدیینی و قالا کومپلئکسینه داخیل اولدوغونو یازیب. مینورسکی حساب ائدیر کی، آتشگاه ۲-جی سارگونون مرنده هجومو زامانی معین قدر داغیدیلیب.