بو گون - ۱۴ دکابر اردبیل‌لی موسیقی‌چی، بسته‌کار و آرانژیمانچی منوچهر ایسماعیل اوغلو چشم‌آذرین دوغوم گونودور.

Kult.az خبر وئریر کی، او، ۱۹۴۴-جو ایل دکابرین ۱۴-ده اردبیل شهرینده آنادان اولوب.

آتاسی آذربایجان موسیقی اوستالاریندان ساییلدیغی اوچون منوچهر چشم‌آذر اوشاق یاشلارین‌دان موسیقی ایله تانیش اولوب، ایلک دفعه سکریپکا موسیقی آلتینده ایفا ائتمه‌یه باشلاییب.

اونون آتاسی و یاخین عائله عضولری جنوبی آذربایجان میللی حکومتی و آذربایجان دموکرات فیرقه‌سینین عضولری اولوبلار.

۱۹۴۶-جی ایلده میللی حکومت دئوریلدیکدن سونرا یاخین قوهوملارینین بیر نئچه‌سی، او جمله‌دن، مشهور فیرقه‌چی و تهران اوردوسونا مقاومت اوچون یارادیلان "بابک مقاومت دسته‌سی"نین باشچی‌سی میر قاسیم چشم‌آذر سووئت آذربایجانینا مهاجیرت ائدیر.

منوچهرین عائله‌سی ایسه تضییقلردن قورتولماق اوچون تهران شهرینه کؤچمه‌لی اولور.

ایلک و اورتا تحصیلینی بیتیردیک‌دن سونرا موسیقی کونسرواتورییاسین‌دا تحصیل آلان اردبیللی موسیقی‌چی ایرانین او واختکی مشهور صنعتچیلری ایله امکداشلیق ائدیب.

او، آذربایجان‌لی و ایران‌لی موغه‌ننیلرین ماهنیلارینا موسیقی بسته‌له‌ییب، قیسا مدتده اؤلکه سوییه‌سین‌ده نفوذلو صنعت‌چی کیمی آد چیخاریب.

۱۹۷۹-جو ایلده باش وئره‌ن انقلابدان سونرا منوچهر چشم‌آذر باشقا مترقی دوشونجه‌لی صنعت‌چیلر کیمی اؤلکه‌نی ترک ائد‌رک آمریکایا مهاجیرت ائدیب.

آمریکادا فعالیتلرینی داوام ائتدیره‌ن صنعت‌چی گونئی آذربایجان‌لی موغه‌ننیلر داریوش و گوگوشون ان مشهور ماهنیلارینین موسیقیلرینی بسته‌له‌ییب.

او، ایران موسیقیچیلری آراسین‌دا اؤزونه‌مخصوص اوسلوبو ایله سئچیله‌ن آز سایدا صنعتچیلردن اولدوغو اوچون قیسقانج مناسیبته معروض قالیب.

منوچهر چشم‌آذر خصوصیله فارس رئپینه قارشی مؤوقعینه گؤره ایران‌لیلار طرفین‌دن تنقید ائدیلیر.

او، فارس، ایران رئپینی تلخکلیک نؤوعو آدلاندیریر و فارس، ایران رئپینی موسیقی نؤوعو کیمی قبول ائتمیر.

اردبیل‌لی موسیقیچی حاضردا آمریکانین لوسانجلس شهرینده یاشاییر و فعالیتلرینی داوام ائتدیریر.