بو گون بستکار، امکدار اینجسنت خادیمی روح‌انگیز قاسیمووانین آنادان اولماسینین ۸۴-جو ایلدؤنومو تمام اولور.

Kult.az بو مناسیبتله اونون حیات و یارادیجی‌لیغی حاقین‌دا ماراق‌لی فاکتلاری تقدیم ائدیر.

روح‌انگیز ناغی قیزی قاسیمووا ۱۹۴۰-جی ایل ایولون ۱۲-ده باکی‌دا آنادان اولوب.

آصف زینال‌لی آدینا موسیقی مکتبینین، حاجیبی‌لی آدینا آذربایجان دولت کونسرواتورییاسینین بسته‌کارلیق فاکولته‌سینین معزونو اولوب. اوزون مدت «آذربایجان دولت تلویزییا و رادیو وریلیشلری»-ده، «آذربایجان‌تله‌فیلم»ده سس رژیسورو، بسته‌کار کیمی چالیشیب.

حکایه‌لری "ادبیات و اینجه‌صنعت" قزئتین‌ده، "آذربایجان"، "اولدوز" ژورناللارین‌دا درج اولونوب. "بابامین موزئیی" آدلی کیتابی وار. چوخسایلی ماهنیلارین بسته‌کاریدیر. یارادیجیلیغیندا «قویو» تاماشاسینین موسیقی‌سی، "قیزیل اوغلان" موسیقی‌لی ناغی‌لی خصوصی یئر توتور. او، «یوللار گؤروشنده»، «عمرون یوللاری»، «قونشو قونشو اولارسا» و بیر چوخ پیئسلرین مؤلفی‌دیر. فیلموگرافییاسیندا ۵۰-ا یاخین فیلم واردیر.

«قونشو قونشو اولارسا» تاماشاسینین چکیلیشلری زمانی روح‌انگیز خانیم رکویزیتلرین چوخونو ائویندن گتیریب.

بسته‌کارین آتاسی ۵۴ یاشیندا دنیاسینی دییشیب. آتاسی وفات ائد‌ن زمان روح‌انگیز خانیمین ایگیرمی یاشی اولوب.

روح‌انگیز قاسیمووا ۷۵ یاشیندا یازیچیلار بیرلیینه عضو اولوب. اؤزونوزو داها چوخ بسته‌کار، یوخسا یازیچی حساب ائدیرسینیز سوالینا ایسه بسته‌کار بئله جواب وئریب:

«موسیقی بسته‌له‌یه‌ندن سونرا یازی ماساما هجوم چکیرم. نسه یازیرام، او دا آلینمایاندا ماهنی بستلییرم.

امکدار اینجه‌صنعت خادمی روح‌انگیز قاسیمووانین حیات یولداشی واصیف سلیمانوو ۱۶ دکابر ۲۰۲۱-جی ایلده وفات ائدیب.

تانینمیش بسته‌کار ملی موسیقی صنعتی ساحه‌سینده‌کی ناعیلیتلرینه گؤره ۲۰۰۵-جی ایلده آذربایجان رسپوبلیکاسینین «امکدار اینجه‌صنعت خادمی» فخری آدینا لاییق گؤرولوب.

بسته‌کارلار اتفاقینین کاتیبی زمفیرا غفارووا روح‌انگیز خانیمین وفاتی ایله باغلی دانیشارکه‌ن اونون هونگ-کونگدا یاشایان قیزینین یانیندا وفات ائتدیینی دئییب:

حیات یولداشینین دنیاسینی دییشمه‌سی اونا چوخ پیس تأثیر ائتمیشدی. روح‌انگیز او قدر شن، یومورلو اینسان ایدی کی! ارینین اؤلومونه دؤزمه‌دی. ۲۰۰۶-جی ایلده‌ن ارینه باخیردی. اؤزونون ده شکری، تضییقی وار ایدی. دئییردی کی، بیردن منه نسه اولار، حیات یولداشیم تک قالار».

روح‌انگیز قاسیمووا ۲۰۲۲-جی ایل اوکتیابرین ۹-دا دونیاسینی دییشیب.