" سئوگی حاقیندا ۵ ان یاخشی رومان هانسیدیر؟" سئوالینا چوخلو جاوابلار وار. طبیعی کی، هر کیتابسئورین اؤز سئویملی اثرلری، اوستونلوک وئردیی رومانلاری واردیر. بیز اؤز بیلدیکلریمیزی قید ائتمک ایسهتدیک.
Kultt.az دونیا ادبیاتی تاریخیندن ۵ ان گؤزل رومانلاردان بیری اولان میخایل بولگاکووون «اوستا و مارگاریتا»اثری بارهده معلومات وئریر.
بولگاکوو رومانین ایلک وئرسییاسینی یاندیریب، سونرا یئنیدن یازیب. لاکین هئچ واخت باشا چاتدیرا بیلمهییب. یازیچینین اؤلوموندن سونرا بوتون قارالامالاری اونون دول آروادی یئلئنا سرگئیونا بیر آرایا گتیریب. رومان ۲۵ ایلدن چوخ رفده قالیب. میخایل بولگاکووون حیات یولداشی اولماسایدی، نامعلوم قالا بیلردی. او، رومانداکی مارگاریتا کیمی الیازمالارا یئنیدن حیات وئریب.
«سنه کیم دئدی کی، دونیادا حقیقی، صادق، ابدی سئوگی یوخدور؟ یالانچینین رذیل دیلی کسیلسین!» بو ایلک باخیشدان سون نفسه قدر سئوگی حاقیندا بیر کیتابدیر. بوتون تظاهرلری ایله چوخ یؤنلو سئوگی حاقیندا اثردیر. بو، یسوانین جللادلارینا قارشی اولان، هر شئیی باغیشلایان، مقدس سئوگیسیدیر، بو، یئر اوزوندهکی یازیچینین و اونون ایلهام منبعینین احتیراصی و اینجهلییدیر، بو، ایسانلارین اؤز دویموش و راحت حیاتلارینا اولان کیچیک و آلچاق سئوگیسیدیر. نئچه دفعه اوخوسان دا، رومان همیشه اؤزونو باشقا جور اورتایا قویور.