شووینزمه باش ایمه‌یه‌جه‌یه‌م، بوتون فیلملری‌می آنا دیلیم اولان تورکجه چکمیشم و بوندان سونرا دا بئله ائد‌جه‌یه‌م. بو دیلی داها یاخشی بیلیر، فیکیر و دویغولاریمی داها گوجلو ایفاده ائده بیلیرم.

Kult.az خبر وئریر کی، بو سؤزلری گونئیلی رژیسور وحید نامی دئییب.

او، تهرانین "۲۹ بهمن" کینوتئاترین‌دا کئچیریلن کنفرانسدا اؤزو و قارداشی نوید نامی‌نین یارادیجیلیغی باره‌ده دانیشیب، تورک دیلینه قاداغالار و محدودیتلری تنقید ائدیب.

کنفرانسدا اشتیراک ائد‌ن ژورنالیستلردن بیری وحید نامییه فیلملرینی تورک دیلینده چکدیینه گؤره ایراد بیلدیریب و بونون منطیق‌سیز اولدوغونو دئییب.

«بیر رژیسور اؤز آنا دیلینده فیلم چکدیینه گؤره سورغو-سئوال ائدیلمه‌مه‌لی، جاوابدهلیک داشیمامالیدیر. کیملر بو قایدانی قویوب؟ بو مجبوریتلرین و قایدالارین علیهینه‌یم و اؤز دیلیمده فیلم چکمه‌یه داوام ائد‌جه‌یم. تبریز شهری بویدا اولان کوسووا کیمی کیچیک بیر اؤلکه‌ده ۳ دیل رسمی دولت دیلی کیمی قبول اولونوب. یارادیجیلیغیمین تورک دیلینده اولماسینا ایراد بیلدیرمک شووینیزم نمونه‌سیدیر، بو ایسه آرتیق آلینمایاجاق»، - تبریزلی رژیسور جاواب وئریب.

او، اوزون ایللردیر ایران‌دا غیری-فارس خالقلارا، دیللره و مدینیتلره قارشی عدالتسیز داورانیلدیغینی، اونلارین کیملییی، دیلی و مدنیتی‌نین تحریف ائدیلدیینی دئییب.

رژیسور حاکم سیستمده تمثیل اولونان بیر سیرا گوج مرکزلرینین خالقلارین میللی کیملیینی ساختالاشدیرماغا و اؤزلرینین منافعینه اویغون فورمالاشدیرماغا چالیشدیقلارینی، آنجاق بونون نتیجه وئرمیجه‌یینی بیلدیریب.

قید ائدک کی، وحید حسینی نامی ۱۹۷۵-جی ایلده تبریزده آنادان اولوب، کینو صنعتی اوزره تحصیل آلیب، ۲۰-دن چوخ قیسامتراژلی و سندلی فیلم چکیب.