۱۹۹۲-جی ایلده تورکییه‌لی موغه‌ننی فردی تایفورون اوخودوغو «عموغلو» ماهنی‌سی ایفا ائدیلدیی ایلک دقیقه‌دن چوخ سئویلدی و میلیون دفعه‌لرله تکرار- تکرار دینلنیلدی. بو ماهنینین داخیل ائدیلدیی کاستلر موسیقی دوکانلارینا گلر-گلمز آلینیر، کاستلر ال-ال گزیردی. ماهنی دفعه‌لرله مختلف وال و کاستلرده یئنی‌دن یازیلیب ساتیشا چیخاریلدی. فردی تایفورون گولحانه کنسرت سالونون‌داکی کنسرتینه بو ماهنییا گؤره، ۲۰۰ مین انسان گلیب. ماهنینین یازیلدیغی آلبومو ۵.۰۰۰.۰۰۰ عدد ساتیلیب. آلبوم ۲ ایل بازاردا قالاراق رکورد قیریب. ماهنینین سؤزلرینی ایلک باخیشدا آنلاماق اولماسا دا یانیق‌لی ، حزن دولو ملودییاسی انسانی اؤزونه اسیر ائدیردی.

Kult.az مشهور «عموغلو» ماهنی‌سینین یارانما تاریخجه‌سینی تقدیم ائدیر:

اصلین‌ده ماهنی کدرلی و یاریمچیق بیر عشقین حکایه‌سی ایدی. ماراشدا ایکی عموغلو بیر- بیرلریندن خبرسیز کندین ان گؤزل قیزینا آشیق اولورلار. بیر- بیرینین خطرینی قارداشدان عزیز توتان گنجلر مسله‌دن آگاه اولاندا هر ایکی‌سی عشقیندن امتنا ائدیب، کندی ترک ائتمه‌یه قرار وئریرلر. بیری کؤچوب ایستانبولا گئدیر، موسیقی‌چی کیمی آد چیخاریر، دیگری آلمانییادا بیزنس قورور.

سئودیکلری قیز باشقاسینا اره گئدیر. لاکین خوشبخت اولمور، یامان خاصیت‌لی ارین ظلمو آلتین‌دا چرله‌ییب اؤلور. ایکی کؤرپه بالاسی، قوزوسو یئتیم قالیر.

اونون اؤلوم خبرینی آلان ایکی عمی اوغلو دوغولدوقلاری کنده قاییدیر، داغ دؤشونده اوتوروب دردلشیرلر.

«بیر گلین اؤلموش ده یاسینا گلدیم» دئیرکه‌ن سئودیکلری قادینی، ملشیر قوزولار دئیرکه‌ن ده اونون یتیم قالان بالالارینی نظرده توتوب آغلاشیرلار.

بو ماهنی ۳۰ ایل سونرا ماحزون کیرمیزیگولون ایفاسیندا ایکینجی حیات قازانیب.