دونن ایرانین آذربایجان‌داکی کئچمیش سفیری محسن پاک آیینین تهرانین «مئدیا" مدنیت مرکزینده «قاراباغ مناقیشه‌سی: اولدن سونادک» آدلی کیتابینین تقدیمات مراسمی کئچیریلیب.

Kult.az خبر وئریر کی، بونونلا باغلی، ایرانین آنتی-آذربایجان مؤقع‌لی «سحر آذری» تله‌کانالی مصاحیبه حاضرلاییب.

کانال «تجروبه‌لی دیپلماتین» یازدیغی کیتابین «دقیق فاکتلار»دان عبارت اولدوغونو ادعا ائدیب.

تقدیمات مراسیمین‌ده آذربایجان‌دا یئنیجه فعالیتینی باشا وورموش ایران سفیری سید عباس موسوی ده مصاحیبه‌سین‌ده بیرینجی قاراباغ محاربه‌سینده ایرانین آذربایجانا ائتدیی هومانیتار و معنوی یاردیملاردان سؤز آچیب، اما ندنسه اشغالچی ارمنستانا هرطرف‌لی دستیینی گؤزاردی ائدیب.