پویزییادا آنایا عاید شعر نمونه‌لری سایسیز-حسابسیزدیر.

Kult.az ادبیات دونیاسینا سیاهتی داوام ائتدیریر. بو دفعه آنالار اوچون یازیلمیش ایکی ان گؤزل شعری تقدیم ائدیریک.

ایکینجی سئچیمیمیز بختیار واهابزادنین "آنا هدیه‌سی" شعری‌دیر.

آنام نماز اوسته ال آچیب گؤیه

اللها یالواریر "یا ربیم! - دئیه:

- سن‌سه‌ن خلق ائلییه‌ن گؤیلری، یئری،

جاندان شیرین اولور بالا، آی الله.

سن منیم عمروم‌دن کسیب ایللری،

بالامین عمرونه جالا، آی الله!

بو ندیر؟ آرزویا، دیله‌یه بیر باخ،

گؤر بیر نلر کئچیر آنا قلبیندن؟

چوخ‌دور بو دونیادا هدیه... آنجاق

عموردن هدیه گؤرممیشه‌م من.

ایستره‌م، بیر آنا، بیر بالا سؤزو

لغت‌ده سؤزلرین اؤنونده گئده.

اوجا اولدوغوندان آنانین اؤزو

اوجادیر، بؤیوکدور هدیه‌سی ده.

چوخدور هدیه‌لر اینسان آدینا:

قیمت‌لی زینتلر، قیمت‌لی داشلار.

آنا حیات وئریر اؤز اولادینا،

هم ده اؤز عمروندن عمور باغیشلار.