Kult.az اؤزونو کشف ائتمه پروسسینی رسام‌لیقلا بیرلشدیره‌ن، شخصی تجروبه‌لرینی و مدنی کیملیینی اثرلرینه داخیل ائد‌ن دونیاجا مشهور رسام فری‌دا کالو حاقین‌دا آراشدیرما حاضرلاییب.

۱۸ یاش‌لی فری‌دا کالو ۶ سنتیابر ۱۹۲۵-جی ایلده مکزیکادا آوتومبیل قزاسی کئچیریر و نتیجه‌ده آلدیغی خسارتلره گؤره اوزون مدت خسته‌خانادا قالمالی اولور.

بو زمان فری‌دا کالو تنهالیق‌دان رسم چکمه‌یه باشلاییر و ۱۹۲۷-جی ایلده قزانین نتیجه‌لریندن قیسماً ساغالاراق رسام اولماغا قرار وئریر.

۱۹۲۹-جو ایلده فری‌دا کالو مکزیکادا کومونیزمین رمزینه چئوریلن و اؤزوندن ۲۰ یاش بؤیوک اولان رسام دیگو ریورو ایله عائله قورور. بیر ایل کئچمه‌میش دیگو گنج حیات یولداشینا خیانت ائتمه‌یه باشلاییر.

۱۹۳۰-جو ایلده دیگو ریورو سان-فرانسیسکویا بیرژا بیناسیندا دیوار رسملری چکمک اوچون دعوت اولونور و گنج حیات یولداشی فری‌دا کالو دا اونونلا بیرلیک‌ده آمریکایا گئدیر.

داها سونرا جوتلوک مکزیکایا قاییتمالی اولور و بو زمان فری‌دا کالونون بوشانمیش باجی‌سی کریستینا دا اونلارلا یاشاماغا باشلاییر.
بیر مدت سونرا کریستینا و دیگو ریورو آراسیندا محبت یارانیر. بئله‌لیکله، فری‌دا کالو دیگو ریورودان یئنی ضربه آلیر.

۱۹۳۷-جی ایلده ایستالینین الین‌دن قاچان و هئچ بیر اؤلکه طرفیندن قبول ائدیلمه‌یه‌ن انقلاب‌چی لئو تروتسکی مکزیکایا گلیر و ریورو دیگو خسته‌خانادا اولدوغو اوچون اونو فری‌دا کالو قارشیلاییر.

فری‌دا کالو حیات یولداشیندان انتقام آلماق اوچون اونون پرستیش ائتدیی لئو تروتسکی ایله عشق ماجراسی یاشاماغا باشلاییر.

۱۹۴۴-جو ایلده فری‌دا کالونون آیاغی گانگرنا سببیندن آمپوتاسییا ائدیلیر و او، حیات‌دان تمامیله تنگه گلیر.

۱۹۵۳-جو ایلده مکزیکادا فری‌دا کالونون فردی سرگیسی کئچیریلیر و صحتینین پیس اولماسی سببیندن اونو سرگی سالونونا چارپاییدا گتیریرلر.

فری‌دا کالو ۱۹۵۴-جو ایلده ۴۷ یاشین‌دا پنومونیادان وفات ائدیر.