دونیاجا مشهور "سیمپسونلار"این ۳۶-جی موسومونون ایلک سئرییاسی کولتلاشمیش جیزگی فیلمینین پرستیشکارلارینی شوکا سالیب. بئله کی، "بارتین آد گونو" آدلی اپیزود شوونون تئزلیکله باغلاناجاغینا اشاره‌لرله دولو اولوب.

Kult.az-این وئردیی معلوماتا گؤره، بو باره‌ده "دیلی میل" خبر وئریب.

بیلدیریلیب کی، بؤلومون خصوصی قوناغی "سیمپسونلار"این کئچمیش سناریستی کونان او'برایئن اولوب. او، آنیماسییا شکلین‌ده سیتکوملا ویدالاشما مراسیمینی آپاریب.

"سئریالین فینالیندا هامینیزلا بیرلیکده اولماق منیم اوچون بؤیوک شرفدیر. بلی، بو دوغرودور. "فوخ" "سیمپسونلار"ی باغلاماغا قرار وئردی. بو شوو منیم ائرکن کاریرامین چوخ خصوصی بیر حیصه‌سی ایدی، اونا گؤره ده بورادا اولماق منیم اوچون چوخ شی ایفاده ائدیر"، - دئیه او بیلدیریب.

قید ائدک کی، فینال لاییحه‌نین ۳۳ ایللیک موجودلوغو عرضین‌ده بوتون بوراخیلیشلاری یوکلنمیش صونعی اینتلکت طرفیندن حاضرلانیب. یارادیجیلار صونعی اینتلکتین کمکی ایله لاییحه حقیقتا ۳۶ موسومدن سونرا باشا چاتارسا، سون بؤلومون نئجه گؤرونه بیله‌جه‌یینی تقدیم ائدیبلر.
بس سون بؤلومده سئویملی قهرمانلاری نه گؤزلییر؟

صونعی اینتلکتین ورسییاسینا گؤره، دیرکتور "سکاینر" تقاعده چیخاجاق، "هومر" جناب "برنس"ین میراثینی آلاجاق، کومیکس ساتیجیسی آتا اولاجاق و "مو" بارینی باغلایاجاق.

همچینین تماشاچیلاری "سایدشوو بوب" و اصل "سیمور سکاینر" ده داخیل اولماقلا بیر چوخ کهنه پرسوناژلارین قاییدیشی گؤزلییر.

بؤلومون کولمیناسییاسی "بارت سیمپسون"اون ۱۰-جو آد گونو اولوب. لاکین آد گونو قهرمانی حیاتین‌دا هئچ نیی دییشمک ایستمدیینی باشا دوشوب و بو دا "هومر"ی اؤزوندن چیخاریب. بیر چوخ پرستیشکار عائله باش‌چی‌سینین اوغلونو بوغماغا باشلادیغی فینال صحنه‌سینی سریال‌داکی سون اؤزونوسنزورا مباحثه‌لرینه اشاره کیمی قبول ائدیب.

بئله‌لیکله، ۱۹۸۹-جو ایلدن بری یاییم‌لانان و ۷۰۰-دن چوخ بؤلومو اولان افسانوی جیزگی سریالی سونا چاتاجاقمی؟ "سیمپسونلار"ین یارادیجیلاری بو سوالا هله بیرمعنالی جواب وئرمیرلر، لاکین یئنی سئرییالار اوچون هله چوخ ایدئیالاری اولدوغونا اشاره ائدیرلر.