آذربیجان پوئزییا نمونه‌لرینین دنیا ادبیاتیندا اؤزونه‌مخصوص رولو وار.

Kult.az آذربایجانین گؤرکملی شاعری، ترجمه‌چی، پوبلیسیست ممد آرازین" بو دا بیر بئی عؤموردو، یاشادیم" شعرینی تقدیم ائدیر.

اؤز عمرومو شوم ائلدی اؤز الیم،

یازیندا گول، پاییزیندا خزلیم.

گوندوغاندان گونباتانا منزیلیم...

بو دا بئله بیر عؤموردو، یاشادیم.

زاریماغا عؤمور دئییب آغلاما،

هر اؤلومه اؤلوم دئییب آغلاما،

طالع دؤیوب، حاقلی دؤیوب، آغلاما،

بو دا بئله بیر عؤموردو، یاشادیم.

اوغلون یوخ‌دو - سونون یوخ‌دو، دئدیلر،

ساغین یوخ‌دو، سولون یوخ‌دو، دئدیلر،

اودون بویدا سویون یوخ‌دو، دئدیلر،

بو دا بئله بیر عؤموردو، یاشادیم.

گاه اؤزومو اؤزوم قوودوم، یورولدوم،

اؤز دیقته‌مین بویروغونا قول اولدوم.

وطن گؤیو گؤیلویونده دورولدوم،

بو دا بئله بیر عؤموردو، یاشادیم.

زیروه‌ده‌کی ال چاتمایان قالا من.

اتکده‌کی سینه - جیغیر تالا من.

خودافرین هاراییندان قالان من...

بو دا بئله بیر عؤموردو، یاشادیم.

اوجاق اولدوم، اوجاق داشی اولمادیم،

هر چالایا آخان ناشی اولمادیم،

آرازیملا یول یولداشی اولمادیم،

بو دا بئله بیر عؤموردو، یاشادیم.

قید ائدک کی، بو گون خالق شاعری ممد آرازین آنادان اولماسینین ۹۱-جی ایلدؤنومو تمام اولور.