دیلیمیزده ایشله‌دیله‌ن هر فرازئولوژی ایفادنین، هر مثلین آرخاسین‌دا بیر ماراق‌لی تاریخچه یاتیر. بیز ده بو تاریخچه‌لری آراشدیریب، سیزه او باره‌ده معلومات وئریریک. تئز-تئز سؤزه باخمایان آداملار باره‌سینده «جیزیغین‌دان چیخیب» افاده‌سی ایشلدیریک. بو نه دئمک‌دیر، اینسان هانسی جیزیقدان چیخیر کی، بئله دئییرلر؟

Kult.az «بئله یارانیب» روبریکاسین‌دا بو باره‌ده معلومات وئریر.

بو دئییم اصلین‌ده بیر ملا نسرالدین لطیفه‌سیندندیر.

لطیفه‌یه گؤره، ملا نسرالدین بیر گون آروادی ایله اوزاق بیر یئره سفره چیخیر. یول‌دا قولدورلار اونلارین قاباغینی کسیر. ار-آروادی میندیکلری اولاقدان دوشورور، اللرینده نه وار، نه یوخ هامی‌سینی توتوب آلیرلار. قولدورباشی ملا نسرالدین ال-قول آتماسین دئیه اونا تپینیر. ملانین اطرافین‌دا یئره چوبوقلا بیر جیزیق چکیر و دئییر: «آیاغینی جیزیقدان کنارا قویسان، باشینی کسره‌م».

بونو دئییب، باشلاییرلار اؤز آرالاریندا الده ائتدیکلری غنیمتلری بؤلوشدورمه‌یه. قولدورلار ایشلرینی بیتیریب چیخیب گئدیرلر. آرواد باخیر کی، قولدورلار بونلاری سوغان قابیغی کیمی سویدو، نلری وار، گؤتوروب گئتدیلر، اما اری سسینی چیخارتمادی. دئییر: «آ کیشی، هر شییمیزی آلیب گئتدیلر، سن نیه هئچ نه ائلمدین؟»

ملا نسرالدین ده لووغالاناراق جواب وئریر کی، آی آرواد، نیه ائلمدیم، ائلدیم. اونلارین باشی قاریشیق اولان‌دا من ده آیاغیمی جیزیقدان کنارا قویدوم.
او زمان‌دان « جیزیغیندان چیخماق» افاده‌سی مزه‌لی بیر سؤز کیمی ایشلدیلمه‌یه باشلاییب.